Антон Віктаравіч Маслыка быў затрыманы 29 чэрвеня 2022 года супрацоўнікамі ГУБАЗ. Яго змясцілі на Акрэсціна і абвінавацілі паводле ч. 1 арт. 342 Крымінальнага кодэкса.

Да суду палітвязня змясцілі ў СІЗА-1.

Вядома, што Антона затрымалі разам з жонкай за здымак з марша 2020 года. У сям'і гадуюць траіх дзяцей.

Справу разглядалі ў судзе Маскоўскага раёна Мінска. Пракурор прасіў для абаіх год і шэсць месяцаў пазбаўлення волі.

Суддзя Сяргей Кацэр 14 кастрычніка 2022 г. прызнаў палітзняволеных мужа з жонкай вінаватымі і прысудзіў Антону паўтара года пазбаўлення волі ў калоніі агульнага рэжыму, а Кацярыне — тры гады абмежавання волі без накіравання ў папраўчую ўстанову адкрытага тыпу ("хатняй хіміі").

23 снежня ў Мінскім гарадскім судзе разглядалі апеляцыйную скаргу: прысуд Антону пакінулі без зменаў.

У сярэдзіне студзеня 2023. Антона этапавалі ў ПК № 3 (Віцьба).

20 кастрычніка 2023 года вызвалены па заканчэнні тэрміну пакарання.

Асудзілі сям'ю палітзняволеных за ўдзел у акцыях пратэсту: мужу — калонію, а жонцы — "хатнюю хімію"

Крымінальную справу супраць Кацярыны і Антона пачалі разглядаць 11 кастрычніка ў судзе Маскоўскага раёна Мінска. Іх абвінавацілі ва ўдзеле ў паслявыбарчых акцыях пратэсту ў 2020 годзе па чатырох эпізодах. Падставай для ўзбуджэння справы сталі фотаздымкі, знойдзеныя ў іх Instagram.