Антон Драздовіч

Дата нараджэння: 31 ліпеня 1996

Дата затрымання: 23 снежня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 1 год і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 1 красавіка 2023

Суддзя: Дубовік Вольга

Пракурор: Жук Юлія

Антон Аляксандравіч Драздовіч быў затрыманы 23 снежня 2021 года ў межах крымінальнай справы аб групавых дзеяннях, якія груба парушаюць грамадскі парадак (арт. 342 Крымінальнага кодэксу).

Антон — майстар спорту па гарадках, неаднаразовы пераможца і прызёр рэспубліканскіх і міжнародных спаборніцтваў. Працаваў кіроўцам у прыватнай фірме. Захапляецца футболам і гуляе за адну з каманд у чэмпіянаце Маладзечна па міні-футболе.

У судзе Маладзечанскага раёна 1 красавіка 2022 года распачаўся суд над чатырма мясцовымі жыхарамі за ўдзел у акцыі пратэсту 9 жніўня 2020 году. Палітычных зняволеных Антона Драздовіча, Аляксандра Новаша, а таксама Вольгу Чарняк і Руслана Шапунова абвінавачвалі паводле ч. 1 арт. 342 Крымінальнага кодэкса за тое, што яны стаялі ў "счэпцы" з бел-чырвона-белым сцягам. Справу разглядала суддзя Вольга Дубовік, дзяржабвінавачванне падтрымлівала Юлія Жук.

12 красавіка 2022 года быў абвешчаны прысуд: суддзя Вольга Дубовік прызнала ўсіх вінаватымі і прызначыла Антону Драздовічу паўтара года зняволення ў калоніі ва ўмовах агульнага рэжыму.

У ліпені 2022 г. стала вядома аб пераводзе Антона з СТ № 8 у бабруйскую ПК № 2.

Па падліках праваабаронцаў вызвалены 1 красавіка 2023 г. 

Чатырох маладзечанцаў асудзілі да калоніі за "счэпку" 9 жніўня 2020 году

Усе чацвёра прызналі віну. Усе абвінавачаныя на судзе былі ў клетцы. Пракурорка запрасіла ў суда для ўсіх абвінавачаных маладзечанцаў пакаранне ў выглядзе аднаго года і шасці месяцаў калоніі. Суддзя вынесла такі прысуд тром хлопцам, а дзяўчыне прызначыла зняволенне на паўгода меншае.

Трох хлопцаў і дзяўчыну ў Маладзечне судзяць за "счэпку" 9 жніўня 2020 году

Згодна з версіяй абвінавачвання, 9 жніўня 2020 года Антон Драздовіч, Аляксандр Новаш, Руслан Шапуноў і Вольга Чарняк на "несанкцыянаваным масавым мерапрыемстве" ў Маладзечне сталі ў "счэпку", выкрыквалі лозунгі і крычалкі, гучна пляскалі ў далоні, з мэтай здзяйснення правакацыйных дзеянняў, накіраваных на абвастрэнне сітуацыі на плошчы, разгарнулі палотны бел-чырвона-белага колераў.

Палітвязні знаходзяцца па адрасах:

Падтрымаць «Вясну»