Андрэй Сайдаліевіч Расулаў – быў затрыманы 22 верасня ў Гомелі. У кватэру, дзе Андрэй пражывае са сваёй дзяўчынай, прыйшлі сілавікі. Яны паклалі хлопца на падлогу, скруцілі рукі жгутом і дапытваліся, ці ведае ён Дзмітрыя Падлобнікава. Пасля гэтага Андрэя затрымалі.

Знаходзіцца ў статусе падазраванага за падзеі 9 жніўня па арт. 342 Крымінальнага кодэкса – “Групавыя дзеянні, якія груба парушаюць грамадскі парадак”.

Быў вызвалены з ІЧУ г. Жлобіна пад падпіску аб нявыездзе да суда.

На судзе высветлілася, што Андрэя таксама абвінавачваюць па арт. 364 КК (гвалт у дачыненні да міліцыі).

9 сакавіка 2021 года ў судзе Жлобіна Андрэю Расулаву прысудзілі 3 гады пазбаўлення волі ў калоніі агульнага рэжыму.

Адбываў тэрмін у ПК № 15. 

Па падліках праваабаронцаў, выйшаў на волю ў сакавіку 2024 г. 

У Жлобіне вынесеныя два прысуды удзельнікам акцый пратэсту

У Жлобіне дзявятага сакавіка вынесеныя прысуды Сяргею Бекарэвічу і Андрэю Расулаву. Іх прызналі вінаватымі па арт. 342 Крымінальнага кодэксу і арт. 364 Крымінальнага кодэксу і асудзілі да двух з паловай і трох гадоў пазбаўлення волі ў калоніі агульнага рэжыму адпаведна.