Андрэй Анатольевіч Рамановіч быў затрыманы 3 траўня 2023 года за відэаролік, які ён накіраваў у "экстрэмісцкі" тэлеграм-канал. На Андрэя была заведзена крымінальная справа паводле арт. 361-4 Крымінальнага кодэксу (Садзейнічанне экстрэмісцкай дзейнасці).

Да суда яго ўтрымлівалі ў СІЗА.

У Мінскім абласным судзе 4 верасня 2023 г. Андрэя асудзілі паводле ч. 1 арт. 361-4 (Садзейнічанне экстрэмісцкай дзейнасці) Крымінальнага кодэкса. Суддзя Анжаліка Данілава прызначыла палітвязню 2 гады і 6 месяцаў пазбаўлення волі ў калоніі ва ўмовах агульнага рэжыму з канфіскацыяй кампутарнай тэхнікі.

На 3 лістапада 2023 г. у Андрэя быў прызначаны разгляд апеляцыйнай скаргі ў Вярхоўным судзе. Старшыня судовай калегіі Эдгар Марцірасян.

10 лістапада 2023 г. унесены МУС у "спіс экстрэмістаў".

Куды перавялі палітвязня з СІЗА-1 — пакуль невядома.