Андрэй Аляксандравіч Ігнатовіч — жыхар Светлагорска, асуджаны 24 кастрычніка 2023 года Гомельскім абласным судом. Справу разглядаў суддзя Дзмітрый Казлоў.

Андрэя абвінавацілі ў распальванні іншай сацыяльнай варожасці (ч. 1 арт. 130 КК) і ў арганізацыі і падрыхтоўцы дзеянняў, якія груба парушылі грамадскі парадак (ч. 1 арт. 342 КК). Суд не знайшоў падстаў, і абвінавачанне ў абразе Аляксандра Лукашэнкі (ч.1 арт. 368 КК) было знятае.

Гомельскі абласны суд 24 кастрычніка 2023 года прызначыў яму на падставе ч. 1 арт. 130 КК пакаранне ў выглядзе пазбаўлення волі на тэрмін два гады, а на падставе ч. 1 арт. 342 КК (у рэдакцыі Закона ад 5 студзеня 2015 года №241-З) пакаранне ў выглядзе пазбаўлення волі на тэрмін адзін год і шэсць месяцаў. Канчаткова прызначана пазбаўленне волі на тэрмін два гады з адбываннем у папраўчай калоніі ва ўмовах агульнага рэжыму.

Да суда Ігнатовіч знаходзіўся пад вартай у СІЗА № 3 Гомеля. Актуальны адрас высвятляецца. 

17 лістапада 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

27 лістапада 2023 г. КДБ Беларусі унёс Ігнатовіча ў спіс  "тэрарыстаў".

Светлагорскага "экстрэміста" асудзілі на два гады калоніі па пратэсных артыкулах

Гомельскі абласны суд 24 кастрычніка 2023 года асудзіў жыхара Светлагорска Андрэя Ігнатовіча, абвінаваціўшы яго ў распальванні іншай сацыяльнай варожасці альбо варажнечы (ч. 1 арт. 130 Крымінальнага кодэкса і арганізацыі і падрыхтоўцы дзеянняў, якія груба парушылі грамадскі парадак (ч. 1 арт. 342 КК). Справу разглядаў суддзя Дзмітрый Казлоў.