Андрэй Фёдараў
Былы палітвязень (прызнаны постфактум)
Дата нараджэння: 1 лістапада 1978
Дата затрымання: 14 жніўня 2023
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Крэпская Юлія
Групы: Дзяржслужачыя
Справы: Пратэсты Мінск
Андрэй Віктаравіч Фёдараў - дырэктар Цэнтра тэхнічнай падтрымкі "КМА-БелАЗ" у Белгарадскай вобласці РФ.
Яго абвінавачваюць ва ўдзеле ў пратэстах у 2020 годзе і пакіданні каментараў у інтэрнэце. Пры гэтым ён выдаліў свой тэлеграм-акаўнт у канцы 2022-га, але яго адшукалі, верагодна, з-за каментароў-ён даваў там шмат інфармацыі пра сябе і пакінуў іх шмат (не менш за тысячу). Падчас затрымання губопікаўцы разарвалі ці разрэзалі яго кашулю — гэта добра бачна на фота з іх канала. На руцэ мужчыны вялікая тату з нацыянальным арнаментам.
Быў асуджаны на 3 гады "хатняй хіміі" 25 кастрычніка 2023 года ў адным з судоў горада Мінска па ч. 1 арт. 342 КК.
Утрымліваўся ў СІЗА № 1.
У вымушанай эміграцыі.
Сілавікі затрымалі за пратэсты аднаго з топ-мэнэджараў БелАЗу
