Андрэй Чудзінаў

Дата нараджэння: 10 красавіка 1971

Дата затрымання: 4 студзеня 2022

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 2 гады

Від пакарання: пазбаўленне волі ў калоніі агульнага рэжыму

Суддзя: Няборская Вольга

Месца зняволення: Турма №4

Андрэй Віктаравіч Чудзінаў некалькі разоў адбываў суткі па адміністрацыйных палітычных артыкулах. Затым быў затрыманы па крымінальнай справе аб групавых дзеяннях, што груба парушаюць грамадскі парадак (арт. 342 Крымінальнага кодэксу), за ўдзел у "Маршы Новай Беларусі" 23 жніўня 2020 году. 

Да суда знаходзіўся ў жодзінскай Турме №8.

У судзе Кастрычніцкага раёна Мінска 17 сакавіка 2022 года Андрэя Чудзінава асудзілі да двух гадоў калоніі агульнага рэжыму. Справу разглядала суддзя Вольга Няборская. Асноўным і адзіным доказам віны Чудзінава стаў фотаздымак на ягоным тэлефоне, які раней забралі супрацоўнікі міліцыі. Пасля суду знаходзіўся ў СІЗА-1.

На пачатку красавіка 2022 года Андрэй быў этапаваны ў Турму №4.

За адзін фотаздымак з Марша палітвязня асудзілі да 2 гадоў калоніі

На судзе палітвязень віну не прызнаў і лічыць, што яго віна не даказаная: "Фотаздымак не з’яўляецца доказам майго актыўнага ўдзелу ў дзеяннях, якія груба парушаюць грамадскі парадак (публічнае выкрыкванне лозунгаў, гучныя лясканні ў далоні, блакіроўка руху). Іншых доказаў майго ўдзелу ў такіх дзеяннях абвінавачванне не назбірала. Улічваючы гэта, прашу пастанавіць апраўдальны прысуд".

Адрас для лістоў: Турма №4. 212011, г. Магілёў, вул. Крупскай, 99А

Палітвязні знаходзяцца па адрасах: