Андрэй Андрэевіч Андрэеў — інжынер, працаваў у "Белдзяржпраекце". Андрэя прызналі вінаватым паводле арт. 364 Крымінальнага кодэкса і асудзілі да двух гадоў пазбаўлення волі ў калоніі ўзмоцненага рэжыму. 

Яго, а таксама Аляксандра Комара 29 жніўня 2022 г. прызналі вінаватым у "гвалце ці пагрозе гвалту" ў адносінах да салдата Міхаіла Крута за тое, што падчас антываеннага мітынгу 27 лютага 2022 года ў Мінску яны проста ішлі на яго, у той час як ён адступаў.

Вядома, што 6 снежня ў Вярхоўным судзе мусілі разглядаць апеляцыйную скаргу Андрэя на прысуд, аднак у выніку справу накіравалі ў Мінгарсуд для ўхілення працэсуальных недахопаў.

Утрымліваўся ў СІЗА-1, пасля быў пераведзены ў магілёўскую Турму № 4. У зняволенні хлопец моцна схуднеў.

Палітвязень адбывае пакаранне ў магілёўскай ПК № 15.

26 верасня 2023 года вызвалены па заканчэнні тэрміну пакарання.

У Мінску асудзілі мужчынаў: падчас антываеннага мітынга яны "ішлі" на салдата, які адыходзіў ад іх спінай

29 жніўня 2022 года ў Мінскім гарадскім судзе агучаны вырак інжынерам Аляксандру Комару і Андрэю Андрэеву. Андрэя прызналі вінаватым паводле арт. 364 Крымінальнага кодэкса і асудзілі да двух гадоў пазбаўлення волі ў калоніі ўзмоцненага рэжыму. А Аляксандра — паводле арт. 364 Крымінальнага кодэкса (два гады пазбаўлення волі ў калоніі агульнага рэжыму), а таксама таксама — паводле ч. 3 арт. 361-1 Крымінальнага кодэкса за ўдзел у плане «Перамога» (паўгода пазбаўлення волі ў калоніі ўзмоцненага рэжыму). Шляхам складання пакаранняў Комара асудзілі да трох гадоў пазбаўлення волі ў калоніі ўзмоцненага рэжыму. Абодва мужчыны не прызналі віну.