Аляксей Андрэевіч Самусенка — эканаміст, працаваў у сетцы фірм, якая займаецца вырабамі з пластыку. 

Быў затрыманы 5 лістапада 2020 года ў межах крымінальнай справы па арт. 342 КК (дзеянні, якія груба парушаюць грамадскі парадак). У яго дома быў праведзены вобшук. За два дні да гэтага быў затрыманы брат Аляксея Кім Самусенка. 

Аляксею прад'явілі абвінавачванне па арт. 342 КК РБ, ён змешчаны ў СІЗА-1 на вул. Валадарскага. На пачатку суда 24 лістапада 2021 былі агучаныя ўжо шэсць інкрымінаваных артыкулаў КК: ч. 1 арт. 350 (мадыфікацыя камп'ютарнай інфармацыі), арт. 352 (неправамернае завалоданне камп'ютарнай інфармацыяй), ч. 1 арт. 354 (выкарыстанне шкоднасных камп'ютарных праграм), ч. 1 арт. 342 (актыўны ўдзел у групавых дзеяннях, якія груба парушаюць грамадскі парадак), арт. 341 (псаванне маёмасці ў грамадскіх месцах), ч.1 арт. 13, ч. 2 арт. 293 (падрыхтоўка да ўдзелу ў масавых беспарадках). 

Суддзя Жанна Хвайніцкая пастанавіла разглядаць справу ў закрытым рэжыме, бо "ў матэрыялах крымінальнай справы ўтрымліваюцца звесткі, якія складаюць дзяржаўную таямніцу".

У судзе Заводскага раёна Мінска 28 студзеня 2022 агучылі прысуды чатыром палітвязням па "справе ўзлому камп'ютарнай сістэмы Мінгарвыканкама". Братоў Кіма і Аляксея Самусенкаў асудзілі да 6,5 і 4 гадоў калоніі агульнага рэжыму адпаведна, Паўла Дразда і Івана Андрушойця — да 3,5 гадоў калоніі кожнага.

У сярэдзіне лютага 2022 стала вядома, што Аляксея перавялі з СІЗА-1 у магілёўскую Турму № 4.

26 красавіка 2022 Мінгарсуд пакінуў апеляцыйную скаргу на прысуд без зменаў. У канцы траўня 2022 г. Аляксея этапавалі ў шклоўскую ПК № 17.

Напрыканцы кастрычніка МУС уключыў палітвязня ў спіс "экстрэмістаў".

9 лютага 2024 г. вызвалены па сканчэнні тэрміна. 

Ад 3,5 да 6,5 гадоў калоніі — прысуды чатыром палітвязням па "справе ўзлому камп'ютарнай сістэмы Мінгарвыканкама"

Згодна з матэрыяламі крымінальнай справы, абвінавачаныя з дапамогай шкоднаснага ПЗ атрымалі доступ да камп'ютарных сістэм КУП "ЦІТ Мінгарвыканкама" і ГУУС Мінгарвыканкама, што пацягнула за сабой парушэнне нармальнай працы прадпрыемстваў і дзяржорганаў, а таксама гэтыя асобы скапіявалі і выдалілі файлы розных фарматаў і ўнеслі ў іх загадзя ілжывую інфармацыю.

Суд па "справе ўзлому камп'ютарнай сістэмы Мінгарвыканкама" зрабілі закрытым

У судзе Заводскага раёна Мінска 24 лістапада 2021 пачаўся судовы разгляд па "справе ўзлому камп'ютарнай сістэмы Мінгарвыканкама".

«У нашу кватэру ўвайшлі са стралянінай». Гісторыя жанчыны, чые абодва сыны сталі палітвязнямі

Маці Аляксея і Кіма Самусенкаў распавядае пра іх.