Мігно Аляксей Міхайлавіч асуджаны па арт. 370 КК РБ (Здзек з дзяржаўных сімвалаў).

З канца кастрычніка мужчыну трымалі пад вартай, праз месяц яго перавялі пад хатні арышт. Пасля прысуду раённага суда яго зноў узялі пад варту, і зараз мужчына ў СІЗА.

13 снежня 2022 года ў Івацэвіцкім судзе крымінальную справу разглядаў суддзя Сяргей Кухацкавалец. Ён знайшоў віну Аляксея Мігно цалкам даказанай і прыгаварыў да 1 года калоніі агульнага рэжыму.

А 17 лютага 2023 года Брэстаблсуд разглядаў апеляцыю боку абароны на гэты прысуд. Пракурор казаў, што такое суровае пакаранне з'яўляецца абгрунтаваным з прычыны таго, што «злачынства» (гэта значыць зняцце дзяржсцяга з будынка) было здзейснена ў стане алкагольнага ап'янення (гэта значыць абцяжарвальная акалічнасць у справе). Таксама Мігно раней прыцягваўся да адміністрацыйнай і крымінальнай адказнасці - і гэта таксама прычына суровасці пакарання. Калегія суддзяў аблсуда (на чале з Суддзёй Святланай Крамянеўскай) у выніку пастанавілі: прысуд Мігно пакінуць без зменаў.

3 сакавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Напрыканцы кастрычніка 2023 г. цалкам адбыў тэрмін і выйшаў на волю.

1 год колонии за снятый со здания госфлаг

Столько присудили жителю Ивацевичского района. Облсуд отказался пересмотреть приговор