Аляксандр Аляксандравіч Жмуро — жыхар Навагрудку, асуджаны па артыкулах аб абразе Лукашэнкі (арт. 368 КК) і за распальванне варожасці на аснове іншай сацыяльнай прыналежнасці — у дачыненні да міліцыі (арт. 130 КК). Да затрымання Аляксандр Жмуро працаваў грузчыкам, у яго ёсць маленькае дзіця.

Вядома, што справа аб абразе Лукашэнкі была ўзбуджаная за каментар у тэлеграме, які Жмуро пакінуў 27 верасня 2020 г. Што тычыцца артыкула 130 КК, то ў аснову крымінальнай справы ляглі паведамленні ў тэлеграме, якія Жмуро размяшчаў з ліпеня па кастрычнік 2020 года і якія, на думку следства і суда, утрымлівалі заклікі да агрэсіўных дзеянняў у дачыненні да супрацоўнікаў органаў унутраных спраў. 

25 сакавіка 2021 Гродзенскі абласны суд асудзіў яго да 3,5 гадоў калоніі агульнага рэжыму, а таксама да прымусовага лячэння ад алкагалізму.

17 чэрвеня 2022 г. КДБ уключыў Аляксандра ў спіс "асобаў, датычных да тэрарыстычнай дзейнасці".

Адбываў тэрмін у ПК № 2. 

Выйшаў на волю, згодна з падлікамі, 11 траўня 2024 г. 

"Выказваў сваю незадаволенасць тым, што адбываецца ў краіне». 3,5 гады калоніі за абразу Лукашэнкі і распальванне варожасці