Аляксандр Вінярскі

Дата нараджэння: 19 жніўня 2003

Дата затрымання: 21 траўня 2021

Прад'яўленыя абвінавачванні:

ч. 2 арт. 293 Крымінальнага кодэкса — Удзел у масавых беспарадках

Вынік суда: 3 гады

Від пакарання: пазбаўленне волі ў выхаваўчай калоніі (для непоўнагадовых)

Суддзя: Грушко Андрэй

Пракурор: Бацюшка Аляксандр, Манько Андрэй

Месца зняволення: Выхаваўчая калонія № 2

Сімвалічны/ая хросны/ая: Каця Адлер, дэпутатка нямецкага Бундэстагу і Камітэта сям'і

Аляксандр Андрэевіч Вінярскі — жыхар Брэста, асуджаны судом Ленінскага раёна горада на тры гады выхаваўчай калоніі па артыкуле аб удзеле ў масавых беспарадках (ч. 2 арт. 293 Крымінальнага кодэксу). На момант затрымання і вынясення прысуду быў непаўнагадовым. Разам з ім былі асуджаны яшчэ 12 чалавек.

Паводле версіі следства, падчас акцыі пратэсту ў цэнтры Брэста пасля выбараў абвінавачаныя груба парушылі грамадскі парадак, учынілі пагромы, нанеслі супрацоўнікам міліцыі ўдары рукамі і нагамі, рознымі прадметамі. У ход ішлі дошкі, палкі, вулічныя скрыні для смецця, фрагменты лавак, тратуарнай пліткі і асфальту, бутэлькі, камяні, металічныя балты, ёмістасці з фарбай, піратэхнічныя вырабы. 

У Брэсце пачалі судзіць яшчэ 13 чалавек за "масавыя беспарадкі" пасля выбараў

У судзе Маскоўскага раёна Брэста 7 красавіка пачаўся разгляд крымінальнай справе аб масавых беспарадках пасля выбараў (ч. 2 арт. 293 Крымінальнага кодэкса) супраць другой партыі берасцейцаў. Месяц таму суддзя Вера Філонік асудзіла па гэтай справе дзевяць чалавек на тэрміны ад 3 да 4,5 гады калоніі. Сёння судзяць адразу 13 чалавек: падлеткаў, былога дэсантніка, 18-гадовую дзяўчыну. Усім абвінавачаным пагражае ад трох да васьмі гадоў пазбаўлення волі.

"Тут звычайныя людзі, якія хочуць свабодна выказвацца". У Брэсце адправілі ў калонію яшчэ 13 фігурантаў па справе "жнівеньскіх беспарадкаў"

У Ленінскім судзе Брэста 21 траўня вынеслі прысуды па крымінальнай справы аб масавых беспарадках пасля выбараў (ч. 2 арт. 293 Крымінальнага кодэкса) 13 берасцейцам. Суддзя Андрэй Грушко асудзіў 11 палітвязняў на тэрміны ад 3,5 да 5 гадоў калоніі, дваіх непаўнагадовых — да 3 гадоў выхаваўчай калоніі. У сакавіку па гэтай справе на такія ж тэрміны асудзілі першых дзевяць чалавек. Усяго ў калонію па справе "жнівеньскіх беспарадкаў" брэсцкія суды адправілі ўжо 22 чалавекі, суды над астатнімі фігурантамі гэтай справы яшчэ чакаюцца.

Адрас для лістоў: Выхаваўчая калонія № 2. 213807, г. Бабруйск, вул. Генерала Батава, 4

Палітвязні знаходзяцца па адрасах:

Падтрымаць «Вясну»