Аляксандр Уладзіміравіч Пугач быў затрыманы 17 жніўня 2022 года супрацоўнікамі ГУБАЗіКа па падазрэнні ў злачынстве паводле ч. 1 арт. 130 КК (распальванне варожасці), ч. 1 арт. 366 КК (гвалт або пагроза ў дачыненні да службовай асобы), арт. 369 КК (абраза прадстаўніка ўлады), ч. 1 арт. 368 КК (абраза Лукашэнкі).

Згодна з версіяй следства, Аляксандр Пугач "з кастрычніка 2020 года па сакавік 2022 года ў Telegram абражаў кіраўніка дзяржавы, а таксама прадстаўнікоў улады, у тым ліку генеральнага пракурора Рэспублікі Беларусь, у сувязі з выкананнем імі службовых абавязкаў". Аляксандра змясцілі ў гомельскі СІЗА-3.

У Гомельскім абласным судзе 16 студзеня 2023 г. суддзя Руслан Царук прызнаў палітвязня вінаватым і прызначыў яму пакаранне ў выглядзе трох з паловай гадоў зняволення ў калоніі ва ўмовах агульнага рэжыму і кампенсацыю маральнай шкоды памерам 10 000 рублёў і 100 базавых велічыняў.

КДБ уключыў палітвязня ў "спіс тэрарыстаў" 29 сакавіка 2023 г.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Неўзабаве Аляксандра этапавалі ў шклоўскую ПК № 17.

Палітвязня асудзілі на тры з паловай гады калоніі за абразу Лукашэнкі і генеральнага пракурора

У Гомельскім абласным судзе 16 студзеня 2023 года асудзілі Аляксандра Пугача.