Аляксандр Нагела

Дата нараджэння: 16 верасня 1977

Дата затрымання: 3 чэрвеня 2021

Прад'яўленыя абвінавачванні:

арт. 130 Крымінальнага кодэкса — Распальванне варожасці ці варажнечы

Вынік суда: 3 гады

Від пакарання: пазбаўленне волі ў калоніі ва ўмовах агульнага рэжыму

Суддзя: Сянько Віктар

Месца зняволення: ПК № 3

У спісе «тэрарыстаў» (грашовыя пераводы забароненыя)

Аляксандр Уладзіміравіч Нагела — жыхар Смаргоні, намеснік дырэктара фірмы па вытворчасці спецтранспарту. Яго абвінавацілі па артыкуле аб распальванні сацыяльнай варожасці (арт. 130 Крымінальнага кодэксу).

Згодна з абвінавачваннем, Аляксандр Нагела пакінуў у тэлеграм-чаце “Смаргонь-ЧАТ” 13 каментароў, у якіх рэзка негатыўна выказваўся пра дзеянні міліцыянтаў падчас акцый пратэсту пасля мінулагодніх выбараў, таксама каментары ўтрымлівалі заклікі да гвалту. Затрымалі Нагелу на пачатку чэрвеня і змясцілі пад варту да суда.

25 жніўня 2021 года яму прысудзілі тры гады калоніі агульнага рэжыму.

20 чэрвеня 2022 г. КДБ унёс Аляксандра ў спіс "асоб, якія маюць дачыненне да тэрарыстычнай дзейнасці".

Аляксандра Нагелу са Смаргоні адправілі ў калонію на тры гады за 13 каментароў пра міліцыянтаў

У памяшканні суда Смаргонскагна раёна на выязным пасяджэнні Гарадзенскага абласнога суда прайшоў разгляд крымінальнай справы ў дачыненні да жыхара Смаргоні Аляксандра Нагелы – намесніка дырэктара фірмы па вытворчасці спецтранспарту. Мужчыну абвінавацілі ў злачынстве, прадугледжаным часткай 1 артыкула 130 Крымінальнага кодэкса (распальванне сацыяльнай варожасці). У дадзеным выпадку сацыяльнай групай, у дачыненні да якой Нагела распальваў варожасць, следства палічыла супрацоўнікаў міліцыі.

Адрас для лістоў: ПК № 3. 211322, Віцебская вобласць, п. Віцьба

Палітвязні знаходзяцца па адрасах:

Падтрымаць «Вясну»