Аляксандр Мілашэўскі

Дата нараджэння: 31 жніўня 1991

Дата затрымання: 29 верасня 2021

Прад'яўленыя абвінавачванні:

арт. 369 Крымінальнага кодэкса — Абраза прадстаўніка ўлады
арт. 130 Крымінальнага кодэкса — Распальванне варожасці ці варажнечы

Вынік суда: 2 гады

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 31 студзеня 2023

Суддзя: Чарапанава Святлана

Аляксандр Аляксандравіч Мілашэўскі быў затрыманы па крымінальнай справе, узбуджанай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. 

30 лістапада 2022 г. у Мінскім гарадскім судзе адбыўся разгляд справы. Суддзя Святлана Чарапанава прызнала палітвязня вінаватым паводле арт. 369 КК (Абраза прадстаўніка ўлады) і ч. 1 арт. 130 КК (Распальванне сацыяльнай варожасці) і прызначыла пакаранне ў выглядзе зняволення ў калоніі ва ўмовах агульнага рэжыму тэрмінам на два гады.

Аляксандр цалкам адбыў пакаранне і напрыканцы студзеня 2023 г. выйшаў на волю.

10 сакавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Палітвязня Аляксандра Мілашэўскага асудзілі за каментары па "справе Зельцэра"

Лік асуджаных за каментары ў інтэрнэце з нагоды перастрэлкі паміж супрацоўнікам КДБ Дзмітрыем Федасюком і айцішнікам Андрэем Зельцэрам, у выніку якой загінулі абодва, перавышае многія дзясяткі чалавек.

Палітвязні знаходзяцца па адрасах:

Падтрымаць «Вясну»