Аляксандр Уладзіміравіч Кулага — жыхар Брагіна, вальшчык лесу ў мясцовым лясніцтве.

Інцыдэнт адбыўся пасля выбараў, 16 жніўня 2020 года. Аляксандра ў нецвярозым стане даставілі ў бальніцу для медагляду. Знаходзячыся ў прыёмным аддзяленні, ён публічна ў прысутнасці міліцыянтаў і медыкаў выказаў абразы ў адрас чалавека па прозвішчы Лукашэнкі ў выглядзе грубых, нецэнзурных слоў. Пасля гэтага на Кулагу завялі крымінальную справу паводле арт. 368 КК (Абраза Лукашэнкі).

29 снежня 2021 г. суддзя Брагінскага раённага суду Марыя Гаўрыленка ў закрытым судовым пасяджэнні пакарала Аляксандра Кулагу двума гадамі "хіміі" (абмежавання волі з накіраваннем у папраўчую ўстанову). 

5 сакавіка 2021 прысуд набыў сілу, з таго дня Аляксандр адбываў пакаранне ў папраўчай установе адкрытага тыпу № 48.

Палітвязень цалкам адбыў пакаранне і 4 сакавіка 2023 г. выйшаў на волю.

Брагін: Два гады "хіміі" за абразу Лукашэнкі

29 снежня суддзя Брагінскага раённага суду Марыя Гаўрыленка ў закрытым судовым пасяджэнні пакарала мясцовага жыхара Аляксандра Кулагу да 2 гадоў "хіміі" (абмежавання волі з накіраваннем у папраўчую ўстанову) за абразу Аляксандра Лукашэнкі (ч. 1 артыкула 368 КК). Мера стрымання да ўступлення прысуду суда ў сіле пакінута ранейшай — асабістае паручальніцтва.