Аляксандр Аляксандравіч Кудловіч — фатограф з Баранавічаў, быў затрыманы 16 чэрвеня 2022 года. Ён быў вымушаны выехаць у Расію праз палітычны пераслед у 2020 годзе, але з-за пратэрмінаванага пашпарта і пачатку вайны вярнуўся ў Беларусь у траўні.

Яму інкрымінаваліся ч. 1 арт. 368 КК (абраза Лукашэнкі) і арт. 369 КК (абраза прадстаўніка ўлады).

Вядома, што ў верасні і лістападзе 2020 года мужчына размясціў у Telegram-канале і мэсэнджары Viber абразлівую інфармацыю ў дачыненні да Лукашэнкі, а таксама міністра ўнутраных спраў, якім на той момант з'яўляўся Юрый Караеў.

17 жніўня 2022 г. суд Баранавіцкага р-на і г. Баранавічы прызнаў Аляксандра вінаватым і прызначыў яму пакаранне ў выглядзе двух гадоў зняволення ў папраўчай калоніі ва ўмовах агульнага рэжыму.

Утрымліваўся ў СІЗА-6. 

Паводле падлікаў праваабаронцаў вызвалены вясной 2024 года, цалкам адбыўшы тэрмін пакарання, прызначаны судом.