Аляксандр Яўгенавіч Ігнатовіч — жыхар Мінска, які, адбываючы пакаранне ў выглядзе абмежавання волі з накіраваннем ("хімія"), у адным з тэлеграм-каналаў, прызнаных экстрэмісцкім, пад здымкам пракурора і супрацоўніка міліцыі з Мінска пакінуў абразлівыя каментары, якія суправаджаліся нецэнзурнымі выразамі. 

Па гэтым эпізодзе была распачатая крымінальная справа паводле арт. 369 Крымінальнага кодэксу (абраза прадстаўніка ўлады).

Мужчыну судзілі ў Магілёве — у горадзе, дзе ён адбываў папярэднюю "хімію". У выніку 10 жніўня 2021 г. Ігнатавічу прызначылі 2 гады і 6 месяцаў абмежавання волі, шляхам складання з пакараннем, якое засталося паводле папярэдняга прысуду, агульны тэрмін склаў 2 гады і 8 месяцаў "хіміі". 

У канцы студзеня 2022 г. Аляксандр быў пераведзены з ПУАТ № 26 у ПУАТ № 24.

Аляксандру ў канцы красавіка 2022 г. змянілі рэжым адбывання пакарання на зняволенне ў калоніі агульнага рэжыму тэрмінам на 1 год і 1 дзень і перавялі ў аршанскую ПК № 8.

Палітвязень цалкам адбыў пакаранне і 19 красавіка 2023 г. выйшаў на волю.

«Трэцюю "хімію" за год магу памяняць на калонію»: палітвязень Аляксандр Ігнатовіч распавёў пра свае «прыгоды» ў няволі

Спачатку Аляксандр патрапіў на «хімію» за хуліганства. Не адбыўшы тэрмін да канца, змяніў «хуліганку» на «палітыку». За год памяняў тры месцы адбывання «хіміі», а цяпер, не жадаючы падпарадкоўвацца кіраўніцтву ПУАТ, якое занадта «неабыякавае» да такіх, як ён, наогул рызыкуе патрапіць у калонію за парушэнні.

З "хіміі" на яшчэ адну "хімію": у Магілёве асудзілі мінчука за абразу пракуроркі і міліцыянера

10 жніўня ў судзе Ленінскага раёна суддзя Алена Літвіна вынесла прысуд мінчуку Аляксандру Ігнатовічу, піша MAYDAY.