Аляксандр Давідавіч Геджадзэ — грамадзянін Расіі. 

Яго затрымалі 27 кастрычніка 2020 г., пазней яму было прад'яўлена абвінавачванне па ч. 1 арт. 342 Крымінальнага кодэкса (Арганізацыя альбо ўдзел у групавых дзеяннях, якія груба парушаюць грамадскі парадак). Тэрмін утрымання пад вартай падоўжаны да 26 студзеня. 

У судзе Фрунзенскага раёна 20 красавіка 2021 г. быў агучаны прысуд па крымінальнай справе ў дачыненні да палітычнага зняволенага, грамадзяніна Расіі Аляксандра Геджадзэ. Палітвязня абвінавацілі па ч.1 арт. 342 Крымінальнага кодэкса (Групавыя дзеянні, якія груба парушаюць грамадскі парадак). Суддзя Андрэй Млечка пакараў яго трыма гадамі пазбаўлення волі з адбываннем у калоніі агульнага рэжыму. Аляксандр адбываў пакаранне ў наваполацкай ПК № 1.

Маскоўскі гарадскі суд у студзені 2022 г. разглядзеў справу аб пераводзе ў расійскую калонію палітзняволенага грамадзяніна Расіі Аляксандра Геджадзэ. Паводле інфармацыі праваабаронцаў, Аляксандр знаходзіцца ў расійскай папраўчай калоніі № 3 у г. Сафонава. Гэта першы грамадзянін Расіі, прызнаны беларускімі праваабаронцамі палітычным вязнем, якога перавялі ў Расію.

Падтрымаць Аляксандра Геджадзэ можна па новым адрасе (пісаць па-расейску):

Российская Федерация, Смоленская область, г. Сафоново, п. Шахты-3, 215500, ФКУ УК-3, УФСИН России по Смоленской области (Написать онлайн можно через «Зонателеком» или «Росузник»)

Александр Давидович Геджадзе

Палітвязня Аляксандра Геджадзэ перавялі з Беларусі ў расійскую калонію

"Калі ў Расіі затрымліваюць беларусаў, якіх адшукваюць па 342 артыкуле КК, то іх адпускаюць пасля першай экстрадыцыйнай праверкі. Пракуроры не лічаць гэты склад злачынствам на тэрыторыі Расіі. А ў выпадку пераводу Геджадзэ, расійскі суд знайшоў магчымым змяніць 342 КК РБ на 212 КК РФ. Калі б яно было гэтак жа і ў экстрадыцыйных справах, то ў нас бы ў СІЗА беларусаў было б больш".

Перавёз покрыўкі — трапіў пад крымінальны артыкул. Судзяць палітвязня Аляксандра Геджадзэ

У судзе Фрунзенскага раёна разглядаецца крымінальнай справы ў дачыненні да палітычнага зняволенага, грамадзяніна Расіі Аляксандра Геджадзэ. Яго абвінавачваюць па ч.1 арт. 342 Крымінальнага кодэкса (Групавыя дзеянні, якія груба парушаюць грамадскі парадак) – а менавіта ў тым, што на машыне перавёз покрыўкі, з якіх потым былі збудаваныя барыкады на раённай акцыі пратэсту ў жылым комплексе «Каскад» увечары 12 кастрычніка.

За перавезеныя покрыўкі палітвязень Аляксандр Геджадзэ асуджаны на 3 гады калоніі

У судзе Фрунзенскага раёна 20 красавіка быў агучаны прысуд па крымінальнай справе ў дачыненні да палітычнага зняволенага, грамадзяніна Расіі Аляксандра Геджадзэ. Палітвязня абвінавацілі па ч.1 арт. 342 Крымінальнага кодэкса (Групавыя дзеянні, якія груба парушаюць грамадскі парадак). Суддзя Андрэй Млечка пакараў яго трыма гадамі пазбаўлення волі з адбываннем у калоніі агульнага рэжыму.