Аляксандр Аркадзьевіч Дайнэка - намеснік дырэктара TUT.BY па тэхнічных пытаннях.

Спачатку Дайнэка быў сістэмным адміністратарам, затым стаў намеснікам генеральнага дырэктара па тэхнічных пытаннях. Адзін з яго першых кіраўнікоў распавядае, што Аляксандр адказны і самастойны спецыяліст. А яго жонка дадае, што ён сапраўдны працаголік. Разам з жонкай мужчына выхоўвае маленькую дачку.

Ён быў затрыманы 18 траўня ў межах крымінальнай справы, распачатай супраць TUT.BY за ўхіленне ад выплаты падаткаў у асабліва буйным памеры (ч. 2 арт. 243 Крымінальнага кодэксу).

17 сакавіка 2022 года з СІЗА-1 выйшлі на волю галоўная рэдактарка палітыка-эканамічнага блока навін Вольга Лойка, намеснік генеральнага дырэктара па тэхнічных пытаннях Аляксандр Дайнека і мэнэджар Publisher Box Андрэй Аўдзееў. Ім была змененая мера стрымання, абвінавачванні не знятыя.