Аляксандр Анатольевіч Цыганкоў — інжынер-праграміст з Магілёва, быў затрыманы ў кастрычніку 2022 года за тое, што ў 2020 годзе ўдзельнічаў у акцыях пратэсту ў Мінску.

Аляксандра змясцілі ў СІЗА-1 і выставілі яму абвінавачванне паводле арт. 342 Крымінальнага кодэксу (Актыўны ўдзел у групавых дзеяннях, якія груба парушаюць грамадскі парадак). 

Справу палітвязня разглядалі ў судзе Ленінскага раёна Мінска. Суддзя Юлія Шчоткіна 19 студзеня 2023 г. прызнала мужчыну вінаватым і прызначыла яму два гады абмежавання волі з накіраваннем у ПУАТ. Аляксандра вызвалілі з-пад варты да накіравання ў месца адбывання пакарання.

7 красавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У вымушанай эміграцыі.