Аліну Артураўну Гораву (Крывашэй) затрымалі 27 сакавіка 2023 году ў Круглым. Увечары яна пайшла ў Следчы камітэт для дачы паказанняў у якасці сведкі па крымінальнай справе аб удзеле ў мірных акцыях пратэсту і на волю ўжо не выйшла — была затрымана на трое сутак.

Спачатку яе ўтрымлівалі ў мясцовым ІЧУ ў жорсткіх умовах: у камеры холадна, спіць на дошках і накрывацца забаронена нават сваім адзеннем. Праз гэта ў яе абвастрыліся хранічныя захворванні нырак і жаночых органаў. Увечары 30 сакавіка Аліне стала дрэнна, таму ёй выклікалі хуткую дапамагу. Сілавікі не дазволілі шпіталізаваць затрыманую, бо нібыта ў СІЗА, куды яе павінны былі перавесці, ёсць дзённы стацыянар.

Але ў магілёўскай турме № 4 у медыцынскай дапамозе Аліне адмовілі, нягледзячы нават на дрэнныя аналізы. Турэмны лекар адмовіўся лячыць яе антыбіётыкамі і гаспіталізаваць.

Дзяўчыну абвінавачваюць паводле арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).

Суд над палітзняволенай Алінай Горавай (Крывашэй) пачаўся 27 траўня 2023 г. у судзе Круглянскага раёна. Працэс вёў суддзя Дзмітрый Сасноўскі.

30 траўня 2023 г. у судзе Круглянскага раёна палітзняволеную асудзілі на адзін год "хатняй хіміі". Аліну, у якой у турме абвастрыліся праблемы са здароўем, вызвалілі ў зале суда пасля двух месяцаў зняволення.

Паводле інфармацыі праваабаронцаў, летам Аліна знаходзілася пад хатнім арыштам па новай крымінальнай справе паводле арт. 342 КК.

29 жніўня 2023 г. у Магілёўскім абласным судзе разгледжана апеляцыйная скарга палітзняволенай, камісіяй пад старшынствам суддзі Дзмітрыя Крэнжыеўскага. Гэты суд адмяніў прысуд круглянскага — ад 30 траўня 2023 г. Справа была накіраваная на новы разгляд.

6 верасня 2023 г. у раённым судзе Круглага Аліну асудзілі на 1,5 гады "хатняй хіміі". На гэтым судзе яна лічылася несудзімай.

25 верасня 2023 г. у судзе Бялыніцкага раёна Валянціна Паўлава разглядала справу Аліны па арт. 342 ч. 1 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Вынік пакуль невядомы. 

У Круглым трох чалавек асудзілі за ўдзел у акцыі пратэсту, сярод іх — двойчы палітзняволеная

Цікава, што апеляцыйны суд, які адбыўся 29 жніўня адмяніў прысуд Круглянскага суда ад 30 траўня. Справа будзе накіравана на новы разгляд у іншы раённы суд Магілёўскай вобласці. На другім судзе Аліна Крывашэй лічылася несудзімай.

У Круглым за ўдзел у акцыях пратэсту асудзілі трох чалавек

Суддзя Дзмітрый Сасноўскі прызначыў Аліне Горавай 1 год "хатняй хіміі", Уладзіславу Лагуценку і Аляксею Цыганаву — 2,5 і 2 гады "хатняй хіміі" адпаведна.