Алеся Уладзіміраўна Лянцэвіч была затрымана 25 траўня 2023 года і змешчана пад варту ў СІЗА №7 Брэста. Алеся — крызісны псіхолаг, псіхолаг-кансультант і тэрапеўт па праблемах адносін і асобаснага развіцця, выкладчык псіхалогіі. Яе абвінавацілі ў абразе прадстаўніка ўлады (арт. 369 КК), абразе Аляксандра Лукашэнкі (ч. 1 арт. 368 КК) і фінансаванні дзейнасці экстрэмісцкага фармавання (арт. 361-2 КК).

У Алесі падазрэнне на цяжкае захворванне, якое ў месцах пазбаўлення волі ні дыягнаставаць, ні нармальна лячыць будзе немагчыма. Значыць, рэзка павышаюцца рызыкі для жыцця.

Аднак Брэсцкі абласны суд 26 верасня 2023 года пастанавіў пакараць Лянцэвіч пазбаўленнем волі тэрмінам на тры гады і шэсць месяцаў у калоніі ва ўмовах агульнага рэжыму. Справу разглядала суддзя Руслана Сянько, дзяржабвінаваўца – Марыя Бялт.

Утрымлівалася ў СІЗА-7. 

28 лістапада 2023 г. у Вярхоўным судзе разгледзелі апеляцыйную скаргу Алесі. Старшыня судовай камісіі Ігар Любавіцкі. Прысуд набыў моц.

1 снежня 2023 г. МУС дадала Алесю ў "спіс экстрэмістаў".

Выйшла на волю 20 жніўня 2024 г. па памілаванні.

Псіхалагіню Алесю Лянцэвіч, якая мае праблемы са здароўем, пакаралі пазбаўленнем волі

Брэсцкі абласны суд 26 верасня 2023 года абвясціў прысуд псіхолагіні-кансультантцы і выкладчыцы псіхалогіі Алесе Лянцэвіч, абвінавачанай у абразе прадстаўніка ўлады (арт. 369 КК), абразе Аляксандра Лукашэнкі (ч. 1 арт. 368 КК) і фінансаванні дзейнасці экстрэмісцкага фармавання (арт. 361-2 КК).

Дзяржабвінаваўца запрасіла чатыры гады калоніі для выкладчыцы псіхалогіі з Брэста за данаты і абразы Лукашэнкі

Брэсцкі абласны суд 26 верасня 2023 года абвесціць прысуд псіхолагіні-кансультантцы і выкладчыцы псіхалогіі Алесе Лянцэвіч, абвінавачанай у абразе прадстаўніка ўлады (арт. 369 КК), абразе Аляксандра Лукашэнкі (ч. 1 арт. 368 КК) і фінансаванні дзейнасці экстрэмісцкага фармавання (арт. 361-2 КК).