Алесь Валер'евіч Папковіч быў затрыманы разам з братам, Янам Папковічам, 2 верасня 2022 года групай Альфа напярэдадні запланаванага ад'езду ў Польшчу. Падчас затрымання быў збіты.

Некаторы час утрымліваўся ў СІЗА КДБ, пасля яго перавялі ў СІЗА № 1. 

Алесю выставілі абвінавачванне паводле арт. 342 Крымінальнага кодэксу (Актыўны ўдзел у групавых дзеяннях, якія груба парушаюць грамадскі парадак) за ўдзел у адным Маршы пратэсту ў 2020 годзе. 

Справу Алеся пачалі разглядаць 5 снежня 2022 г. у судзе Заводскага раёна Мінска. Суддзя Дзмітрый Астапенка прызначыў хлопцу два гады зняволення ў калоніі ва ўмовах агульнага рэжыму.

Напрыканцы студзеня 2023 г. стала вядома, што Алеся этапавалі з СІЗА-1 у ПК № 3 — на той момант ягоны прысуд яшчэ не набыў законную моц. Там яго адразу змясцілі ў ПКТ. Пасля апеляцыі хлопца перавялі на каранцін. Акрамя гэтага, Алесю далі падпісаць дакумент аб тым, што ён не збіраецца з'язджаць з Беларусі пасля вызвалення.

3 сакавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

"З СІЗА перадаў: хачу, каб беларусы пачулі мае песні". Пра палітвязня-музыку распавядае ягоны брат

Алесь з дзяцінства займаўся музыкай, запісаў некалькі сваіх песняў на беларускай мове. Старэйшы брат затрыманых хлопцаў, Станіслаў, які цяпер жыве ў Польшчы, распавёў нам пра Алеся.

"Ты таксама збіраешся з’язджаць?" Пасля сцвярджальнага адказу пачалі збіваць хлопца пры бацьках

Нібыта, у тэлефоне Алеся сілавікі знайшлі фота з пратэстаў, дзе ён з братам і ягонай жонкай стаяць на праезнай частцы.