Алег Аляксандравіч Краўцоў — былы фельчар хуткай дапамогі і прадавец у "5 элеменце".

У межах крымінальнай справы Краўцова затрымалі 4 лістапада прама на месцы працы ў "5 элеменце" за тое, што ён нібыта абкручваў дротам рэйкі на чыгунцы, каб заблакаваць рух цягнікоў. Яму прад'явілі абвінавачванні ў актыўных дзеяннях, што груба парушаюць грамадскі парадак (ч. 1 арт. 342 КК) і наўмысным прывядзенні ў непрыгоднасць транспартнага сродку або шляхоў злучэння (ч. 1 арт. 309 КК).

Суддзя Максім Філатаў палічыў віну мужчыны даказанай і па двух артыкулах Крымінальнага кодэкса прызначыў яму пакаранне ў выглядзе пазбаўлення волі тэрмінам на 3 гады.

У лістах на волю Алег пісаў, што ў калоніі працуе ў швейным цэху, вывучае англійскую і польскую мовы, пачаў займацца матэматыкай і чытаць кнігі Стывена Хокінга і Віктара Пялевіна.

Алег Краўцоў выйшаў на волю 3 чэрвеня 2023 года пасля адбывання пакарання.

Фельдчара з Ліды Алега Краўцова асудзілі на тры гады пазбаўлення волі

У судзе Лідскага раёна 9 чэрвеня абвясцілі прысуд былому фельчару хуткай дапамогі і прадаўцу ў "5 элеменце" Алегу Краўцову. Яго вінавацілі ў актыўных дзеяннях, што груба парушаюць грамадскі парадак (ч. 1 арт. 342 КК) і наўмысным прывядзенні ў непрыдатнасць транспартнага сродку або шляхоў злучэння (ч. 1 арт. 309 КК).