Алег Граблеўскі
юрыст "Офісу па правах людзей з інваліднасцю"
Дата нараджэння: 15 жніўня 1976
Дата затрымання: 3 лютага 2021
Прад'яўленыя абвінавачванні:
ч. 4 арт. 209 Крымінальнага кодэкса — Махлярства, здзейсненае арганізаванай групай альбо ў асабліва буйным памеры
Заява аб прызнанні палітвязнем
Сімвалічны/ая хросны/ая: Гюнтэр Крыхбаўм, дэпутат Бундэстага, старшыня Камітэта па справах Еўрапейскага саюза
Алег Валер'янавіч Граблеўскі – юрыст "Офісу па правах людзей з інваліднасцю".
3 лютага стала вядома пра затрыманне прадстаўнікоў асветніцкай праваабарончай установы "Офіс па правах людзей з інваліднасцю", дырэктара Сяргея Драздоўскага і юрыста Алега Граблеўскага.
"Офіс па правах людзей з інваліднасцю" на працягу 10 гадоў аказвае бязвыплатную прававую дапамогу, адвакатуе змены заканадаўства, праводзіць асветніцкія мерапрыемствы па змене стаўлення да людзей з інваліднасцю. Беларусь далучылася да Канвенцыі па правах інвалідаў, у тым ліку, дзякуючы велізарнай працы "Офіса па правах людзей з інваліднасцю".
Алегу Граблеўскаму, як і Сяргею Драздоўскаму, выставілі абвінавачванне па артыкуле 209 Крымінальнага кодэкса – "махлярства". Алега змясцілі ў СІЗА №1 на Валадарскага, а Сяргея, у якога першая група інваліднасці і ён перасоўваецца на інвалідным вазку, пасадзілі пад хатні арышт без права камунікацыі.
31 ліпеня 2021 года вызвалены з-пад вартай пад асабістае паручальніцтва.
"Фактычна яны былі затрыманыя за супрацоўніцтва з ААН". Што вядома пра справу "Офіса па правах людзей з інваліднасцю"?
