Ала Уладзіміраўна Зуева 2 кастрычніка 2023 году ў судзе Бабруйска і Бабруйскага раёну была прызнаная вінаватай паводле арт. 369 (абраза прадстаўніка ўлады) і ч. 1 арт. 368 (абраза Лукашэнкі) і асуджана да двух з паловай гадоў калоніі ва ўмовах агульнага рэжыму. Таксама яна мусіць выплаціць штраф у памеры 50 базавых велічыняў (1850 рублёў) і дзве тысячы рублёў кампенсацыі маральнай шкоды двум пацярпелым.

Канчатковае пакаранне прызначанае шляхам частковага складання асноўных пакаранняў, а таксама далучэння дадатковага пакарання. Вырак агучыла Вольга Серакова. У канцы лістапада 2023 г. разглядалі апеляцыйную скаргу жанчыны, вырак набыў моц.

Алу абвінавацілі ў тым, што цягам двух гадоў — з кастрычніка 2020 г. да верасня 2022 г., яна пакідала каментары ў тэлеграме. Яны нібыта ўтрымлівалі абразы Лукашэнкі і супрацоўнікаў міліцыі і "ненарматыўную лексіку і выказвалі негатыўную ацэнку ў бок прадстаўнікоў улады".

У Алы лейкоз крыві, пры вынясенні прысуду суд гэта да ўвагі не прыняў. Палітзняволеная лічыць, што вынесены ёй прысуд можна параўнаць са смяротным.

Ала працавала настаўніцай у школе, звольнілася яшчэ да пенсіі праз хваробу. Як паведамляе "Радыё Свабода", яна пачала пісаць кнігу ў стылі фэнтэзі. Праз кепскі стан здароўя пераважна знаходзілася дома, амаль не выяжджала з гораду. Даглядала сабаку і катоў, якіх у сям’ю ўзялі з вуліцы і з прытулку.

Дачка палітзняволенай расказала, што ў чэрвені 2023 г. Алу затрымалі за камэнтары ў Telegram. Спачатку на Алу завялі крымінальную справу, але яе саму не затрымлівалі, яна заставалася ў Беларусі. Праз нейкі час сілавікі прыйшлі па яе дадому. Са словаў дачкі, маці забралі спакойна, без гвалту.

Але трэба пастаянна назірацца ў лекараў, рабіць аналізы, каб хвароба не прагрэсавала, прымаць патрэбныя лекі. Сімптомы праяўляюцца перыядамі. Бывае, яна адчувае сябе дастаткова добра, а бываюць дні, калі ў яе няма сілаў, яна хутка стамляецца, адчувае слабасць, не можа ўстаць, моцна баліць спіна. Хочацца прылегчы, але нельга. Бываюць панічныя атакі. Яны здараліся яшчэ да турмы.

У ізалятары ў Магілёве, дзе Ала знаходзілася пэўны час, ёй дазволілі пасцельны рэжым. У Бабруйску, дзе яна цяпер, спачатку пасцельнага рэжыму не дазвалялі. Якая сітуацыя ў Алы (па стане на лістапада 2023 г.), дачка ня ведае. Хіміятэрапію раней не рабілі, але яна можа спатрэбіцца, калі здароўе Алы будзе пагаршацца.

Ала Зуева падавала хадайніцтва яшчэ да суда, каб ёй замянялі зняволенне на іншы спосаб пакарання. Падчас апеляцыі таксама прасіла вызваліць яе з-пад варты. Яе родныя збіраюцца пісаць скаргі далей, не выключаюць, што Ала будзе пісаць прашэнне аб памілаванні.

Але Зуевай даходзяць лісты толькі ад дачкі, ад іншых сваякоў і сяброў — не.

1 снежня 2023 г. МУС дадала Алу ў "спіс экстрэмістаў".

У пачатку 2024 г. стала вядома, што Ала з СІЗА-5 пераведзена ў ПК-4.

Выйшла на волю па памілаванні 20 жніўня 2024 г. 

Мінімум 13 палітвязняў выйшлі на волю па памілаванні, сярод іх — Ксенія Луцкіна і Васіль Бераснёў

16 жніўня Лукашэнка падпісаў Указ аб памілаванні 30 палітзняволеных, сярод якіх 14 жанчын і 16 мужчын, а некаторыя з іх маюць сур'ёзныя захворванні. За апошнія суткі з калоній па памілаванні пачалі выходзіць палітзняволеныя. Па стане на 21 жніўня праваабаронцам "Вясны" вядомыя прозвішчы 13 вызваленых палітвязняў, сярод іх Васіль Бераснёў, Ала Зуева, Вольга Стаброўская,Вольга Новікава, Ірына Санкоўская і журналістка Ксенія Луцкіна. Праваабаронцы падтрымліваюць інфармацыйную цішыню для бяспекі вязняў, таму пакуль не публікуюць прозвішчы астатніх вызваленых.

Лейкоз, панічныя атакі, хворая сьпіна. Як пэнсіянэрка апынулася за кратамі за палітыку

Пэнсіянэрка Ала Зуева з Бабруйску атрымала 2,5 года калёніі за камэнтары ў Telegram. У яе лейкоз і шэраг іншых захворваньняў. Палітзьняволеная лічыць, што вынесены ёй прысуд можна параўнаць са сьмяротным.

 Пенсіянерку з анкалогіяй асудзілі да калоніі за каментары

Другога кастрычніка 2023 году ў судзе Бабруйска і Бабруйскага раёну вынеслі прысуд 62-гадовай Але Зуевай.