Аксана Анатольеўна Зарэцкая — экспертка па этыкеце, культуралагіня, сябра асноўнага складу Каардынацыйнай Рады, трэнерка па этыкеце і бізнэс-камунікацыях, магістарка педагогікі. Мае дваіх дзяцей.

Яе атрымалі ў канцы снежня 2022 г.

У студзені стала вядома, што ёй інкрымінаваны арт. 342 КК.

Працэс над Аксанай Зарэцкай і палітзняволеным заснавальнікам кампаніі Astronim Багданам Караўцом пачаўся 10 сакавіка 2023 г. у судзе Маскоўскага раёна Мінска.

14 сакавіка 2023 г. суддзя Кацярына Мурашка прызнала палітзняволеных вінаватымі і прызначыла Аксане Зарэцкай паўтара года зняволення ў калоніі ва ўмовах агульнага рэжыму, а Багдану Караўцу — два гады.

Аксану Зарэцкую 16 сакавіка 2023 г. шпіталізавалі з СІЗА-1 з невядомай прычыны. Праваабаронцы не маюць інфармацыі, дзе і ў якім стане палітзняволеная знаходзіцца цяпер.

19 траўня 2023 г. Мінскі гарадскі суд не задаволіў апеляцыю палітвязынкі.

20 траўня 2023 г. пачалося этапаванне ў ПК № 4.

8 снежня 2023 г. унесена МУС у "спіс экстрэмістаў".

У пачатку красавіка 2024 г. выйшла на волю. 

Экспертцы па этыкеце Аксане Зарэцкай прысудзілі паўтара года калоніі, заснавальніку кампаніі Astronim Багдану Караўцу — два

У судзе Маскоўскгаа раёну Мінска 14 сакавіка асудзілі палітзняволеных Аксану Зарэцкую і Багдана Караўца паводле ч. 1 арт. 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх).