Аксана Уладзіміраўна Каспяровіч — настаўніца ў музычнай школе ў Лідзе. Была затрымана 30 верасня 2021 года па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. 

Вядома, што Аксана праходзіць па крымінальнай справе па ч. 1 арт. 130 КК (Распальванне сацыяльнай варожасці).

На пачатку снежня 2021 года з'явілася інфармацыя аб пераводзе Аксаны са Следчай турмы № 8 у Турму № 1.

14 чэрвеня 2022 г. КДБ унёс Аксану ў спіс "асоб, якія маюць дачыненне да тэрарыстычнай дзейнасці".

29 чэрвеня 2022 г. суддзя Гродзенскага абласнога суда Аляксандр Козел прызнаў жанчыну вінаватай і асудзіў да 1 года і 2 месяцаў зняволення ў калоніі агульнага рэжыму.

Аксана цалкам адбыла пакаранне і 9 ліпеня 2022 года вызвалілася з Турмы № 1.

26 жніўня 2022 г. Міністэрства ўнутраных спраў унесла Аксану ў Спіс асобаў, датычных да экстрэмісцкай дзейнасці.