Злата Юр'еўна Януковіч - студэнтка 3 курса хімічнага факультэта БДУ.  Яе вінавацяць у арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле у іх (ч. 1 артыкула 342 КК РБ).

Справу разглядала суддзя Марына Клімчук.

Злату Януковіч затрымалі 13 кастрычніка 2021 года, а пазней на праўладных каналах з'явілася «пакаяльнае відэа» з ёй.

Да суда яна ўтрымлівалася ў СІЗА №1 Мінска.

Злата стала вядомай пасля фота, якое было зробленае 10 жніўня 2020 года на Нямізе журналісткай Вольгай Шукайла, якое хутка разляцелася па інтэрнэце і стала адным з сімвалаў жаночага пратэсту.

У працэсе прысутнічала прадстаўнік Мінсктранса, якая прад'явіла Злаце матэрыяльны пазоў за ўсе выпадкі, калі быў перакрыты рух грамадскага транспарту ў  той дзень у горадзе Мінску. Гэта каля 22 000 рублёў.

У судзе Ленінскага раёна 24 снежня 2021 года вынесены прысуд - абмежаванне волі ў выпраўленчай ўстанове адкрытага тыпу тэрмінам на тры гады.

Матэрыяльны пазоў "Мінсктранса" задаволіць у поўным аб'ёме. Злату адпусцілі на 10 сутак пад падпіску аб нявыездзе.

У вымушанай эміграцыі. 

Злату Януковіч пакаралі трыма гадамі "хіміі" за счэпку 10 жніўня мінулага года

У судзе Ленінскага раёна 24 снежня 2021 года вынесены прысуд па крымінальнай справе ў дачыненні да студэнткі 3 курса хімічнага факультэта БДУ Златы Януковіч. Студэнтку вінавацяць у арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле у іх (ч. 1 артыкула 342 КК РБ).