Вольга Андрэеўна Такарчук — блогерка, дызайнерка з Мінску.

Яе затрымлівалі некалькі разоў пасля выбараў 2020 года. 19 траўня ў кватэру, дзе яна жыве з мужам і двума непаўналетнімі дзецьмі, прыйшлі з ператрусам. На той момант яна ўжо была ў статусе падазраванай па двух артыкулах Крымінальнага кодэксу (абраза суддзі і паклёп у дачыненні да супрацоўніка выбарчай камісіі — ч. 1 арт. 391 і арт. 188 КК). Пасля апошняга затрымання Вользе дадалі новае абвінавачванне: арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх (ч. 1 арт. 342 артыкул КК).

Такарчук змясцілі пад варту на два месяцы.

30 лістапада 2021 Следчы камітэт паведаміў аб завяршэнні расследавання і аб перадачы справы Вольгі пракурору для накіравання ў суд. Суд Заводскага раёна Мінска 16 снежня 2021 пачаў разгляд крымінальнай справы Вольгі.

20 снежня 2021 быў вынесены прысуд: паўтара года зняволення.

У канцы снежня 2021 Вольгу перавялі з жодзінскай СТ №8 у мінскі СІЗА-1, у сярэдзіне студзеня 2022 — у гомельскае СІЗА-3. У красавіку Вольгу этапавалі ў папраўчую калонію №4.

Была ўнесеная ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Вольга цалкам адбыла пакаранне і 16 чэрвеня 2022 г. выйшла на волю.

У кастрычніку 2022 г. МУС уключыў Вольгу ў спіс "асобаў, датычных да экстрэмісцкай дзейнасці".

Блогерцы Вользе Такарчук прысудзілі паўтара года калоніі

Суд Заводскага раёна Мінска ў панядзелак, 20 снежня, вынес прысуд палітычнай зняволенай блогерцы Вользе Такарчук.

У Мінску пачаўся суд над вядомай блогеркай Вольгай Такарчук

Суд Заводскага раёна Мінска 16 снежня пачаў разгляд крымінальнай справы палітычнай зняволенай блогеркі Вольгі Такарчук. Яе вінавацяць адразу па трох артыкулах Крымінальнага кодэкса: у арганізацыі і падрыхтоўцы дзеянняў, што груба парушаюць грамадскі парадак, альбо актыўным ўдзеле у іх (ч.1 арт. 342 КК), паклёпе (арт. 188 КК) і абразе суддзі ў сувязі з ажыццяўленнем ім правасуддзя (арт. 391 КК).

Блогерцы Вользе Такарчук інкрымінуюць адразу тры крымінальныя артыкулы — яна пад вартай

Блогерку і дызайнерку Вольгу Такарчук затрымалі 19 мая: у кватэру, дзе яна жыве з мужам і двума непаўналетнімі дзецьмі, прыйшлі з ператрусам. Да ранейшых абвінавачванняў (абраза суддзі і паклёп у дачыненні да супрацоўніка выбарчай камісіі — 391 і 188 артыкулы) 21 траўня Вользе дадалі новае абвінавачванне: арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх (342 артыкул КК). Яна арыштаваная да суда.