Вольга Антонаўна Лойка — галоўная рэдактарка палітыка-эканамічнага блока ў TUT.BY.

Калегі апісваюць яе як чалавека, які "проста і даступна распавядае беларусам пра палітыку і бізнэс".

Вольга скончыла тры ВНУ —  БДУ, БДЭУ і Оксфардскі ўніверсітэт, а на Tut.by разам з аналітыкам Сяргеем Чалым вяла праграму "Эканоміка на пальцах". У вольны час Вольга любіць падарожнічаць, катацца на ровары, фатаграфаваць, чытаць кнігі і сустракацца з сябрамі.

"Оля — чалавек неабыякавы. Журналістыка — гэта яе прызванне. Яна жыве праблемамі героя, стараецца іх данесці. У яе адсутнічае класавая непрыязнасць. І, напэўна, людзі гэта адчуваюць. Мне шмат герояў яе артыкулаў патэлефанавалі і напісалі пасля затрымання", — распавяла яе сястра Марыя.

Вольга была затрыманая 18 траўня ў межах крымінальнай справы, распачатай супраць TUT.BY за ўхіленне ад выплаты падаткаў у асабліва буйным памеры (ч. 2 арт. 243 Крымінальнага кодэксу). Таксама яна абвінавачваецца паводле ч. 3 арт. 130 КК (распальванне іншай сацыяльнай варожасці, здзейсненае групай асобаў) і ч. 3 арт. 361 КК (заклікі да санкцый, здзейсненыя з выкарыстаннем сродкаў масавай інфармацыі).

17 сакавіка 2022 года з СІЗА-1 выйшлі на волю галоўная рэдактарка палітыка-эканамічнага блока навін Вольга Лойка, намеснік генеральнага дырэктара па тэхнічных пытаннях Аляксандр Дайнека і мэнэджар Publisher Box Андрэй Аўдзееў. Ім была змененая мера стрымання, абвінавачванні не знятыя.

У кастрычніку 2022 г. КДБ уключыў Вольгу ў спіс "асобаў, якія маюць дачыненне да тэрарыстычнай дзейнасці".

9 студзеня 2023 г. у Мінскім гарадскім судзе пачаўся разгляд справы супраць найбуйнейшага беларускага незалежнага парталу TUT.BY. Судовы працэс ад самага пачатку зрабілі закрытым. Справу разглядае суддзя Валянціна Зянькевіч.

Алена Талкачова, Вольга Лойка і Кацярына Ткачэнка не з'явіліся на судовы працэс, бо з'ехалі за мяжу. Як паведамляюць праўладныя тэлеграм-каналы, крымінальная справа ў дачыненні да іх вылучана ў асобную судовую вытворчасць. Яны абвешчаныя ў вышук.

За паручальніцтва журналістак TUT.BY, якія з'ехалі з краіны, заклад заплацяць чыноўнік, бізнэсовец і дэпутат

Мінскі гарадскі суд 10 красавіка разглядае не зусім звычайныя справы, звязаныя з супрацоўніцамі партала Tut.by Аленай Талкачовай і Вольгай Лойка. Справы тычацца паручальніцтва вядомага чыноўніка, бізнэсоўца і палітыка для вызвалення журналістак з-пад варты. Алена Талкачова і Вольга Лойка пакінулі Беларусь і былі абвешчаныя ў міжнародны вышук, а падпісанты гэтых паручальніцтваў мусяць кампенсаваць дзяржаве суму абгаворанага закладу.

Па 12 гадоў калоніі: абвешчаны прысуд па "справе TUT.BY"

Увечары 16 сакавіка па БТ паказалі "расследаванне" пра працу TUT.ВY. Прапагандыстка Ксенія Лебедзева хацела распавесці гледачам, у чым вінаватыя супрацоўніцы парталу. Але, у сутнасці, іх абвінавацілі ў тым, што ў 2013-2014 гг. журналісты асвятлялі падзеі ва Украіне падчас Майдану, у 2010 годзе пісалі пра паслявыбарчыя акцыі пратэстаў у Беларусі, пра дэвальвацыі ў краіне, а таксама пра рэпрэсіі супраць мірных беларускіх пратэстоўцаў у 2020 годзе. Але сутнасць выстаўленых абвінавачванняў Золатавай і Чэкінай невядомая.

Сёння ў закрытым рэжыме пачынаецца суд па "справе TUT.ВY"

Цяпер пад вартай утрымліваюцца былая галоўная рэдактарка Марына Золатава і былая генеральная дырэктарка Людміла Чэкіна. Вользе Лойцы, Алене Талкачовай і Кацярыне Ткачэнцы раней змянілі меру стрымання. "Вясна" распавядае, у чым абвінавачваюць супрацоўніц парталу TUT.BY, і што цяпер вядома па справе.

«Сын и дочка держатся молодцом». Поговорили с близкими коллег, которые спустя трое суток не вышли на свободу

Мы очень ждали, что спустя 72 часа задержанных сотрудников TUT.BY отпустят на свободу, но этого не случилось. Известно, что большинство наших коллег направили в СИЗО № 1, некоторые остаются в СИЗО КГБ. Это значит, что теперь они находятся в статусе подозреваемых по уголовному делу. Обвинение пока не предъявлено, близкие люди растеряны и не знают, чего ожидать. Поговорили с некоторыми из родственников.

Чым адметныя журналісткі Tut.by Вольга Лойка і Алена Талкачова, якіх затрымаў ДФР

Вольга Лойка з Мінска. У яе тры — тры — вышэйшыя адукацыі. Яна вывучала журналістыку ў БДУ, маркетынг у БДЭУ, пасля чаго, як сама пісала, давялося звярнуцца ў брытанскі ўніверсітэт, каб вярнуць веру ў вышэйшую адукацыю. У Оксфардзе Вольга асвойвала спецыяльнасць «эканамічная журналістыка».