Вольга Кукушкіна

Дата нараджэння: 3 сакавіка 1970

Дата затрымання: 28 студзеня 2022

Прад'яўленыя абвінавачванні:

арт. 369 Крымінальнага кодэкса — Абраза прадстаўніка ўлады
арт. 368 Крымінальнага кодэкса — Абраза прэзідэнта Рэспублікі Беларусь

Вынік суда: 1 год і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 7 чэрвеня 2023

Суддзя: Літвін Андрэй

Вольга Уладзіміраўна Кукушкіна была абвінавачана ў абразе Аляксандра Лукашэнкі (арт. 368 Крымінальнага кодэксу) і прадстаўнікоў улады (арт. 369 Крымінальнага кодэксу).

Вядома, што восенню 2021 года ў жанчыны прайшоў вобшук, а затым яе асудзілі на 10 сутак арышту за перапост з "экстрэмісцкага" каналу. У тэлефоне Вольгі знайшлі выяву Лукашэнкі і беларускіх чыноўнікаў у нацысцкай форме, што стала падставай для ўзбуджэння крымінальнай справы. Па версіі следства, гэтую выяву Вольга размясціла ў закрытым чаце больш за год таму. 

Суддзя Андрэй Літвін 28 студзеня 2022 г. прызнаў яе вінаватай і пакараў 1 годам і 6 месяцамі пазбаўлення волі ў калоніі агульнага рэжыму. Жанчыну ўзялі пад варту ў зале суда.

Палітзняволеная адбывае пакаранне ў ПК № 4.

7 чэрвеня 2023 г. палітзняволеная выйшла на волю, цалкам адбыўшы тэрмін. Яна прабыла ў зняволенні 1 год, 4 месяцы і 9 дзён.

У Бабруйску жанчыну адправілі ў калонію за абразу Лукашэнкі

У Бабруйску 28 студзеня адбыўся разгляд крымінальнай справы ў дачыненні да Вольгі Кукушкінай. Жанчыну абвінавацілі ў абразе Аляксандра Лукашэнкі (арт. 368 Крымінальнага кодэксу) і прадстаўнікоў улады (арт. 369 Крымінальнага кодэксу).

Палітвязні знаходзяцца па адрасах:

Падтрымаць «Вясну»