Вольга Глушань
Асуджана да 1,5 гадоў "хатняй хіміі"
Былая палітзняволеная
Дата нараджэння: 7 ліпеня 1986
Дата затрымання: 4 сакавіка 2021
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 1 год і 6 месяцаў
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Маручак Сяргей
Пракурор: Ярошык Аляксей, Плышэўскі Аляксандр
Справы: Справа карагодаў
Вольга Андрэеўна Глушань — жыхарка Брэста, фігурантка крымінальнай справы па "карагодах", ўзбуджанай пасля акцыі 13 верасня.
Вольга знаходзілася на волі ў статусе падазраванай па гэтай справе (па арт. 342 КК — Актыўны ўдзел у групавых дзеяннях, якія груба парушаюць грамадскі парадак). Трэцяга сакавіка яе выклікалі ў Следчы камітэт для азнаямлення са справай. На наступны дзень, чацвёртага сакавіка, яе выклікалі яшчэ раз і з СК забралі ў СІЗА-7.
У судзе Брэсцкага раёна 8 чэрвеня 2021 года вынеслі прысуды чарговай "партыі" па "карагоднай" крымінальнай справе па ч. 1 арт. 342 Крымінальнага кодэкса. На тэрміны да 2 гадоў "хіміі" 12 берасцеўцаў асудзіў старшыня суда Брэсцкага раёна Сяргей Маручак. Вольгу Глушань асудзілі да 1,5 гадоў "хатняй хіміі". Суддзя прызначыў менавіта такое пакаранне, якое прасілі пракуроры Ярошык і Плышэўскі. Вольгу вызвалілі ў залі суда.
