Вольга Аляксандраўна Гарбунова — актывістка, былая кіраўніца арганізацыі "Радзіслава", якая дапамагае жанчынам, пацярпелым ад хатняга гвалту. 

Вольгу затрымалі 9 лістапада 2021 года па падазрэнні ў здзяйсненні злачынства па арт. 342 Крымінальнага кодэксу (Арганізацыя альбо актыўны ўдзел у групавых дзеяннях, якія груба парушаюць грамадскі парадак), а менавіта ў арганізацыі жаночых маршаў у 2020 годзе.

Вядома, што пасля затрымання Вольга ў CІЗА-1 амаль два тыдні трымала галадоўку.

У сярэдзіне снежня праваабаронцам "Вясны" стала вядома, што Вольгу Гарбунову абвінавачваюць адразу па двух артыкулах Крымінальнага кодэксу: ч.1, 2 і 3 арт. 293 і ч.1 і 2 арт. 342. Справу супраць актывісткі вядзе маёр следчай групы УСК па Мінску Кудрэйка.

5 траўня 2022 г. у судзе Савецкага раёна пачаўся разгляд справы Вольгі. 6 траўня суд пастанавіў прызнаць Гарбунову вінаватай ў арганізацыі і падрыхтоўцы дзеянняў, якія груба парушаюць грамадскі парадак, паводле ч. 1 арт. 342 Крымінальнага кодэкса і пакараць абмежаваннем волі без накіравання ва ўстанову адкрытага тыпу тэрмінам на тры гады. Актывістку адпусцілі з-пад варты ў зале суда.

Вольга пакінула Беларусь.

МУС 4 лістапада 2022 г. уключыла былую палітзняволеную ў "Пералік асобаў, датычных да экстрэмісцкай дзейнасці".

Вольга зрабілася лаўрэаткай 2022 г. Прэміі для праваабаронцаў у небяспецы Front Line Defenders.

25 верасня 2024 г. у судзе Маскоўскага раёна Мінска Вікторыя Баранава будзе разглядаць справу Вольгі паводле "замены абмежавання волі без накіравання ў папраўчую ўстанову адкрытага тыпу". 

Актывістку Вольгу Гарбунову пакаралі трыма гадамі "хатняй хіміі" і вызвалілі з-пад варты

Суд Савецкага раёна Мінска 6 траўня вынес прысуд па крымінальнай справе праваабаронцы, былой кіраўніцы арганізацыі "Радзіслава", палітзняволенай Вольгі Гарбуновай.

У Мінску пачынаецца суд над былой кіраўніцай "Радзіславы" і палітзняволенай Вольгай Гарбуновай

На старонцы ў падтрымку зняволенай Вольгі ў інстаграм з'явілася просьба не прыходзіць на суд «па просьбе Волі». Паплечніцы просяць падтрымаць Гарбунову інакш: допісамі ў сацыяльных сетках з хэштэгам #олявмоейжизни.

Хатні, жнівеньскі і акушэрскі... Гвалт. Размова з Вольгай Гарбуновай у падкасце "Вясна прыйдзе"

Пра гвалт над жанчынамі і мужчынамі, пра гвалт, які жыў задоўга да жніўня 2020 і пасля яго, а таксама пра гвалт акушэрскі і асабісты вопыт — пра гэта Вольга распавяла «Вясне прыйдзе», калі была яшчэ на волі.

"Без ейнай падтрымкі я б не выжыла". Хто такая Вольга Гарбунова, якую вінавацяць у арганізацыі жаночых маршаў

Вольга Гарбунова — феміністка, экспертка ў пытаннях хатняга гвалту і ЛГБТ-актывістка, менеджарка арганізацыі "Радзіслава". Гарбунова амаль 20 гадоў фактычна выконвала працу міліцыі — ратавала ахвяр хатняга гвалту ад агрэсараў, але і гэта не спыніла беларускіх сілавікоў ад яе затрымання.

Front Line Defenders патрабуе вызваліць праваабаронцу Вольгу Гарбунову

Арганізацыя Front Line Defenders выступіла з заявай, у якой патрабуе ад уладаў Беларусі вызваліць Вольгу Гарбунову і спыніць пераслед усіх праваабаронцаў у Беларусі.