Вячаслава Сяргеевіча Панасюка прызналі вінаватым паводле артыкула 369 КК РБ «Абраза прадстаўніка ўлады». 26 студзеня 2022 года суд Маскоўскага раёна Брэста разглядзелі справу. Судовае пасяджэнне ўзначаліла суддзя Марына Скалковіч.

Вячаслава Панасюка абвінавацілі ў тым, што 6 красавіка 2021 года ў адной з сацсетак пад фатаграфіяй старшыні Гродзенскага аблвыканкама Уладзіміра Караніка, «маючы намер на публічную абразу прадстаўніка ўлады ў сувязі з выкананнем ім службовых абавязкаў», ён напісаў непрыстойны каментар, які «прыніжае гонар і годнасць пацярпелага».

Суд прызнаў Вячаслава Панасюка вінаватым і на падставе арт. 369 КК РБ прысудзіў яму два гады абмежавання волі з накіраваннем у выпраўленчую ўстанову адкрытага тыпу. У адпаведнасці з ч. 1 арт. 46-1 КК РБ («Спецыяльная канфіскацыя») кампутар Вячаслава Панасюка суд пастанавіў канфіскаваць.

Адбывае пакаранне ў ПУАТ № 55. 

Два гады «хіміі» за каментар пад фота Караніка