Вячаслаў Дашкевіч

Дата нараджэння: 16 лістапада 1990

Дата затрымання: 16 лютага 2022

Прад'яўленыя абвінавачванні:

арт. 191 Крымінальнага кодэкса — Перашкаджэнне ажыццяўленню выбарчых правоў

Месца зняволення: СІЗА-1

Вячаслаў Васільевіч Дашкевіч быў затрыманы 16 лютага 2022 года ў межах крымінальнай справы па ч.2 арт. 191 Крымінальнага кодэкса (Перашкода ажыццяўленню выбарчых правоў, права на ўдзел у рэферэндуме). Справа была ўзбуджана за распаўсюд і рассылку ўлётак з заклікам лічыць галасы выбаршчыкаў сумленна.

Вячаслава змясцілі ў СІЗА КДБ, а на пачатку сакавіка перавялі ў СІЗА-1.

Распачата 9 крымінальных спраў, звязаных з правядзеннем рэферэндуму: каго затрымалі?

У КДБ Беларусі 20 лютага паведамілі аб затрыманні ўдзельнікаў груп, якія планавалі «зрыў рэферэндуму па зменах і дапаўненнях у Канстытуцыю». Супрацьпраўныя дзеянні гэтых людзей заключаліся ў рассылцы лістоў з заклікам да сябраў выбарчых камісій "лічыць галасы сумленна".