Віталь Васільевіч Зарадзей — жыхар Брэста, абвінавачаны ў абразе суддзі (арт. 391 Крымінальнага кодэксу). Былы вайсковец, ліквідатар аварыі на ЧАЭС. У родным горадзе быў вядомы тым, што пісаў звароты да ўладаў. 

29 сакавіка 2021 года да Віталя дамоў уварваліся людзі з аўтаматамі і затрымалі яго. У межах крымінальнай справы яго хацелі везці ў Мінск на псіхіятрычную экспертызу, але ён не з'яўляўся ў Следчы камітэт на выклікі. З гэтай нагоды было прынята рашэнне аб яго затрыманні і змяшчэнні пад варту на два месяцы.

У кобрынскім судзе 9 жніўня 2021 года завяршыўся суд над палітвязнем Віталём Зарадзеем, абвінавачанага па артыкулах 391 КК (Абраза суддзі) і 368 КК (Абраза прэзідэнта). Суддзя Здановіч прызнаў Зарадзея вінаватым, і прызначыў пакаранне ў выглядзе аднаго года шасці месяцаў пазбаўлення волі паводле ч. 1 арт. 368 КК і два гады абмежавання волі без накіравання ў ПУАТ паводле арт. 391 КК. Шляхам частковага складання пакаранняў Віталь Зарадзей прысуджаны да двух гадоў калоніі агульнага рэжыму.

У лістападзе 2021 года быў пераведзены з баранавіцкага СІЗА-6 у ПК-17.

Палітвязень цалкам адбыў тэрмін і ў снежні 2022 г. выйшаў на волю.

5 і 6 верасня 2023 г. суд Берасцейскага раёну разглядаў новую крымінальную справу супраць Віталя Зарадзея.

Дзе і ў якім стане знаходзіцца Зарадзей — дакладна невядома. У судовую залю ён напачатку суду не заходзіў.

Таксама дакладна невядома, што Зарадзею ставілі ў віну на гэты раз. Бо ад самага пачатку суддзя Сухадольская закрыла працэс. Але ў судовым раскладзе былі пазначаны артыкулы, якія закідалі яму: арт. 391 (абраза суддзі), ч.2 арт. 368 (абраза Лукашэнкі), ч.1 арт. 377 (пашкоджанне дакументаў).

Два гады калоніі за абразы: абвешчаны прысуд брэсцкаму палітзняволенаму Зарадзею

У кобрынскім судзе 9 жніўня 2021 года завяршыўся суд над палітвязнем Віталём Зарадзеем, які абвінавачваецца па артыкулах 391 КК (Абраза суддзяў) і 368 КК (Абраза прэзідэнта). Дзяржабвінавачванне прадстаўляў Аляксандр Шыкавецкі, працэс вёў суддзя Вадзім Здановіч.