Віталь Іванавіч Шчэрбіч працуе ў медыцынскай лабараторыі "ИНВИТРО", адказвае за рэагентыку. Захапляецца навуковай фантастыкай, яздой на матацыкле, у сябе дома сабраў 3D-прынтар. Вельмі любіць катоў і котак.

"Вельмі спагадны, добры, з пачуццём справядлівасці і актыўнай грамадзянскай пазіцыяй. Любіць сваю сям'ю. "З паветра" здольны сабраць тэлескоп, каб разглядаць з сынамі зорнае неба, 3D-прынтар, каб друкаваць для іх цацкі і любое іншае абсталяванне, якое прадстаўляе для яго і яго дапытлівага асяроддзя цікавасць", — распавядае пра яго ягоная жонка.

Віталь быў затрыманы 17 лістапада 2020 года. Яму прад'явілі абвінавачванне па ч. 1 і 2 арт. 342 Крымінальнага кодэкса (Групавыя дзеянні, якія груба парушаюць грамадскі парадак). Аднак у судзе выявілася, што судзіць Віталя будуць па ч. 1 арт. 13 і ч. 2 арт. 293 Крымінальнага кодэксу — падрыхтоўка да масавых беспарадкаў. 

9 красавіка 2021 г. быў асуджаны да 4 гадоў зняволення ў калоніі ва ўмовах узмоцненага рэжыму. Адбываў тэрмін у ПК № 17. 

Згодна з падлікамі, вызвалены летам 2024 г. 

Палітвязня Віталя Шчэрбіча асудзілі на чатыры гады калоніі ўзмоцненага рэжыму

Суддзя Анжэла Касцюкевіч палічыла, што віна мужчыны даказаная і прызначыла яму пакаранне, якое напярэдадні запрасіла дзяржабвінаваўца Вольга Дзендзілевіч.

Для Віталя Шчэрбіча пракурор запрасіла 4 гады калоніі ўзмоцненага рэжыму

У судзе Заводскага раёна г. Мінска 7 і 8 красавіка працягнулася пасяджэнне па разглядзе крымінальнай справы ў дачыненні да Віталя Шчэрбіча, якога абвінавачваюць па ч. 1 арт. 13 і ч. 2 арт. 293 Крымінальнага кодэксу - падрыхтоўка да масавых беспарадкаў.

У Мінску пачаўся суд над палітвязнем Віталём Шчэрбічам

У судзе Заводскага раёна пачаўся працэс па справе Віталя Шчэрбіча, паведамляе TUT.BY. Дома ў мінчука знайшлі дымавыя шашкі, петарды, страйкбольную зброю. Шчэрбіч кажа, што набыў усё гэта больш пяці гадоў таму, выкарыстаў пры гульні ў страйкбол, аднак следства трактуе гэта як падрыхтоўку да масавых беспарадкаў. Віталь віну не прызнае, на акцыях пратэсту, па яго словах, не быў, затрымалі яго дома.