Віталь Аляксандравіч Рогач быў затрыманы 29 верасня 2021 года за каментар пасля забойства супрацоўніка КДБ і Андрэя Зельцэра. Супраць Віталя была распачатая справа паводле арт. 130 Крымінальнага кодэксу (Распальванне сацыяльнай варожасці).

Падчас следства, якое доўжылася 11 месяцаў, Віталю выставілі дадатковыя абвінавачанні. У выніку яму інкрымінавалі: арганізацыю і падрыхтоўку дзеянняў, якія груба парушаюць грамадскі парадак (ч. 1 арт. 342), распальванне расавай, нацыянальнай, рэлігійнай альбо іншай сацыяльнай варожасці або варажнечы (ч. 1 арт. 130) і абразу прадстаўніка ўлады (арт. 369 Крымінальнага кодэкса).

Мінскі гарадскі суд 11 жніўня 2022 г. прызнаў Рогача вінаватым па ўсіх прад'яўленых абвінавачаннях і прызначыў яму пакаранне ў выглядзе пазбаўлення волі тэрмінам на два з паловай гады калоніі агульнага рэжыму, а таксама штрафу ў памеры 200 базавых велічынь.

Утрымліваўся ў следчай турме № 8. Куды Віталя перавялі пасля, невядома. 

Па падліках праваабаронцаў вызвалены 20 кастрычніка 2023 г. 

Яшчэ адзін прысуд па "справе Зельцэра": два з паловай гады калоніі і вялікі штраф

Судовы працэс праходзіў у закрытым рэжыме.

Адным з першых пакінуў каментар пра загінулага супрацоўніка КДБ: у Мінску судзяць Віталя Рогача

Мінскі гарадскі суд 11 жніўня пачаў разгляд крымінальнай справы Віталя Рогача. Першапачаткова 30-гадоваму мужчыну ставілася ў віну толькі тое, што ён адзін з першых, 29 верасня 2021 года, у сетцы Instagram пакінуў каментар пад пастом пра навіны пра загінулага супрацоўніка КДБ: "Бандыту зямля будзе бетонам".