Віталь Мелех

Дата затрымання: 4 траўня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў

Вынік суда: 2 гады і 6 месяцаў

Від пакарання: пазбаўленне волі ў калоніі агульнага рэжыму

Суддзя: Новікава Валянціна

Месца зняволення: СІЗА-3

Заява аб прызнанні палітвязнем

Віталь Мелех. Фота з сацыяльных сетак

Віталь Мелех спачатку быў затрыманы ў траўні 2021 года разам з яшчэ 10 грамадзянамі, у асноўным – заўзятарамі мазырскай футбольнай каманды «Славія». Афіцыйна сцвярджалася, што яны – «удзельнікі каляфутбольнай групіроўкі праварадыкальнай накіраванасці».

Масавыя затрыманні футбольных заўзятараў у Мазыры. Што вядома на гэты час

Пра 11 затрыманых у Мазыры 5 траўня паведамла прэсавая служба МУС. Паводле версіі сілавікоў, 10 хлопцаў, якіх затрымалі 4 траўня з дапамогай ГУБАЗіКу і САХР, бралі ўдзел у масавых беспарадках у жніўні 2020 года.

21-гадовы Віталь Мелех быў абвінавачаны па частцы 1 артыкула 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) і па артыкуле 364 (гвалт альбо пагроза прымянення гвалту ў адносінах да супрацоўніка органаў унутраных спраў) Крымінальнага кодэкса РБ.

У Мазыры асуджаны яшчэ адзін футбольны заўзятар

Суд Мазырскага раёна 14 красавіка вынес прысуд футбольнаму заўзятару Віталію Мелеху. Ён прызнаны вінаватым у «грубым парушэнні грамадскага парадку» і «гвалце ў адносінах да супрацоўнікаў унутраных спраў».