Віталь Маркевіч
Дата нараджэння: 29 жніўня 1981
Прад'яўленыя абвінавачванні:
арт. 341 Крымінальнага кодэкса — Апаганьванне будынкаў і псаванне маёмасці
ч. 1 арт. 339 Крымінальнага кодэкса — Хуліганства
Вынік суда: 1 год і 1 месяц
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Ярмолік Аляксандр
Пракурор: Калеснікаў Уладзімір
У Слоніме 19 ліпеня 2021 года абвешчаны чарговы прысуд па крымінальнай справе палітычнага характару, піша "Гарадзенская Вясна". На гэты раз у дачыненні да мясцовага жыхара Віталя Васільевіча Маркевіча.
Яго звінавацілі паводле двух артыкулаў Крымінальнага кодэксу за тое, што Маркевіч намаляваў графіці "асабліва цынічнага складу". Гэта частка 1 артыкула 339 (Хуліганства) і 341 (Апаганьванне збудаванняў і псаванне маёмасці ў грамадскіх месцах) Крымінальнага кодэксу.
Маркевіч у мінулым годзе пасля фальсіфікацыі выбараў і збівання людзей на мірных акцыях зрабіў некалькі графіці на розных аб'ектах Слоніма і Слонімскага раёну (у вёсцы Шылавічы), у тым ліку на прыпынках. Адзін з надпісаў на закінутай сцяне датычыўся начальніка мясцовага РАУС (сэнс быў такі, што "народ не даруе").
Суддзём на працэсе быў Аляксандар Ярмолік, дзяржабвінавачанне прадстаўляў старшы памочнік пракурора Уладзімір Калеснікаў.
У Маркевіча чацвёра непаўнагадовых дзяцуй, але суд не ўзяў пад увагу гэтую акалічнасць.
Суддзя прысудзіў яму па сукупнасці абмежаванне волі на 1 год і 1 месяц без накіравання ва ўстанову адкрытага тыпу ("хатняя хімія"). Рэчавыя доказы, у тым ліку нацыянальны сцяг, сцяжок і нават значок суддзя пастанавіў знішчыць.
Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
За пратэстныя графіці жыхар Слоніма атрымаў "хатнюю хімію"