Віталь Буцько абвінавацілі паводле арт. 369 ў абразе прадстаўніка ўлады.

Судовае пасяджэнне вяла суддзя Таццяна Жарко. Вядома, што падсудны жанаты, не судзімы, мае дваіх непаўналетніх дзяцей. Пацярпелым па справе прызнаны капітан міліцыі Чыгуначнага АУС Віцебска камандзір роты ППС Павел Ярмоленка. У якасці маральнай кампенсацыі Ярмоленка запатрабаваў 3000 рублёў.

3 снежня 2021 года ў Ляхавічах вынеслі абвінаваўчы прысуд. Суд прызнаў Віталя Буцько вінаватым ва ўчыненні злачынства паводле арт. 369 КК РБ, прысудзіў два гады «хатняй хіміі», пакінуў пад падпіскай аб нявыездзе, пастанавіў выплаціць пацярпеламу 2000 рублёў у якасці маральнай кампенсацыі і 87 рублёў дзяржпошліны. Мабільны тэлефон як сродак здзяйснення злачынства суд пастанавіў канфіскаваць на карысць дзяржавы.

Ляхавічы: два гады «хатняй хіміі»за каментар пра збіццё пратэстоўцаў