Абвінавачаная - 22-гадовая мінчанка Вікторыя Алегаўна Будзькіна. Яна абвінавачвалася па арт. 369 КК РБ (абраза прадстаўніка ўлады).
Гэта ўжо трэцяя крымінальная справа ў адносінах да яе па дадзеным артыкуле.
24 снежня 2021 года, у судзе Ленінскага раёна, суддзя Алена Літвіна, унесеная ў санкцыйныя спісы Еўразвяза, вынесла рашэнне для Вікторыі па трэцім эпізодзе. Нажаль аб ім мы не ведаем падрабязнасцяў. Вядома толькі, што дзяржаўны абвінаваўца запытваў 1 год і 6 месяцаў абмежавання волі з накіраваннем у папраўчую ўстанову адкрытага тыпу. З гэтым прысудам Алена Літвіна пагадзілася.
Сумна, што па папярэдніх двух эпізодах Вікторыі Будзькінай засталося адбываць усяго паў года. Ад участковага яна мае станоўчыя характарыстыкі і віну ва ўсіх трох выпадках прызнала.

Зараз знаходзіцца за межамі Беларусі.

Была ўнесена ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.