Віктар Андрэевіч Шмігельскі — удзельнік акцыі пратэсту ў Жлобіне 9 жніўня 2020 года.

На яго была заведзеная крымінальная справа паводле артыкулаў 342 Крымінальнага кодэкса (Актыўны ўдзел у групавых дзеяннях, якія груба парушаюць грамадскі парадак) і 364 (Гвалт у дачыненні да супрацоўнікаў міліцыі).

22 сакавіка 2021 года  суд Жлобіна вынес прысуд Віктару: 2,5 гады пазбаўлення волі ў калоніі агульнага рэжыму.

3 жніўня стала вядома, што Віктара перавялі зноўку ў СІЗА-3. 

У судзе Жлобінскага раёна 21 кастрычніка 2021 года вынесены ячшэ адзін прысуд палітзняволеным Іллю Патрушаву і Віктару Шмігельскаму. Хлопцаў вінавацілі па крымінальнай справе за абразу дзяржаўных сімвалаў (арт. 370 КК РБ) і прызначылі пакаранне: абмежаванне волі з накіраваннем ва ўстановы адкрытага тыпу тэрмінам на адзін год кожнага. Па сукупнасці пакаранняў, шляхам частковага іх складання, суд канчаткова прызначыў Віктару Шмігельскаму пакаранне ў выглядзе пазбаўлення волі ў калоніі агульнага рэжыму тэрмінам на два гады і восем месяцаў. Такім чынам, да ранейшага пакарання дадалося яшчэ два месяцы калоніі.

У канцы сакавіка 2022 года стала вядома аб пераводзе Віктара з СІЗА-3 у папраўчую калонію №17.

У сярэдзіне ліпеня 2023 г. палітвязень выйшаў на волю, цалкам адбыўшы тэрмін.

Жлобін: палітвязняў, якія адбываюць пакаранне, ізноў асудзілі. На гэты раз за абразу дзяржаўных сімвалаў

У судзе Жлобінскага раёна 21 кастрычніка вынесены прысуд па крымінальнай справе за абразу дзяржаўных сімвалаў. На лаве падсудных - палітвязні Ілля Патрушаў і Віктар Шмігельскі.

"Білі нагамі ў міліцэйскія шчыты". У Жлобіне судзяць яшчэ траіх удзельнікаў акцый пратэсту

У судзе Жлобінскага раёна 15 сакавіка працягваўся разгляд крымінальнай справы ў дачыненні да мясцовых жыхароў – Віктара Шмігельскага, Іллі Патрушава і Андрэя Шаўчука.

Па два з паловай гады гады калоніі прысудзіў суд актыўным удзельнікам акцыі пратэсту ў Жлобіне

Ім былі прад’яўленыя абвінавачванні па артыкуле 342 КК (Арганізацыя або актыўны ўдзел у групавых дзеяннях, якія груба парушаюць грамадскі парадак) і артыкуле 364 КК (Гвалт альбо пагроза прымянення гвалту ў дачыненні да супрацоўніка органаў унутраных спраў).