Віктар Віктаравіч Хімарода быў затрыманы 2 лютага 2022 года ў межах крымінальнай справы аб абразе прэзідэнта (арт. 368 Крымінальнага кодэксу). Справа была заведзена за спальванне пудзіла Лукашэнкі.

Яму прад'явілі абвінавачванне і перавялі ў СІЗА.

У судзе Маскоўскага раёна Мінска 15 верасня 2022 г. суддзя Сяргей Кацэр асудзіў Віктара на 1,5 года зняволення ў калоніі. Менавіта такое пакаранне патрабавала абвінавачанне. Таксама вядома, што "Мінсктранс" падаў пазоў на 15 тысяч беларускіх рублёў. На абвяшчэнні прысуду палітзняволеныя былі ў кайданках, іх суправаджалі шасцёра канваіраў.

25 кастрычніка 2022 г. адбыўся разгляд апеляцыйнай скаргі. Неўзабаве палітвязня этапавалі ў ПК № 15.

Віктар цалкам адбыў пакаранне і 15 красавіка 2023 г. выйшаў на волю.

Вынесены прысуд палітзняволеным, якіх абвінавацілі ў спальванні пудзіла Лукашэнкі

Усе абвінавачаныя ў выніку прызналі віну, але на першых допытах ніхто з іх не прызнаваў сваю вінаватасць. Доказамі па справе сталі фотаздымкі з фотаапарата Іллі Давыдзенкі, а таксама скрыншоты з запісаў з тэлеграм-каналаў, дзе былі апублікаваныя здымкі асабістых сустрэч абвінавачаных.