Віктар Казлоўскі
Былы палітвязень
Дата нараджэння: 11 лістапада 2000
Дата затрымання: 10 красавіка 2021
Прад'яўленыя абвінавачванні:
- ч. 2 арт. 293 Крымінальнага кодэкса — Удзел у масавых беспарадках
Вынік суда: 3 гады і 6 месяцаў
Від пакарання: пазбаўленне волі ў калоніі ва ўмовах узмоцненага рэжыму
Дата вызвалення: 21 траўня 2024
Суддзя: Семянчук Аляксандр
Пракурор: Ляшок Фёдар, Манько Андрэй
Справы: Пратэсты Брэст
Заява аб прызнанні палітвязнем
Сімвалічны(ая) хросны(ая): Жоэль Гарыё, сябра Сената Францыі
Віктар Генадзьевіч Казлоўскі — жыхар Брэста, фігурант крымінальнай справы, узбуджанай па ч. 2 арт. 293 Крымінальнага кодэксу (Удзел у масавых беспарадках) пасля акцый пратэсту ў горадзе ў жніўні 2020.
8 лістапада 2021 года ў судзе Ленінскага раёна Брэста агучылі прысуд пятай частцы абвінавачаных па справе аб “масавых беспарадках” у горадзе падчас падзеяў 9-10 жніўня мінулага года. Суддзя Аляксандр Семянчук пастанавіў прызнаць усіх 19 палітвязняў, якія праходзілі па справе, вінаватымі, а ВІктару Казлоўскаму прызначыў 3 гады і 6 месяцаў калоніі ўзмоцненага рэжыму.
Віктар знаходзіўся пад вартай у СІЗА-7 з пачатку красавіка 2021 года, 19 студзеня 2022 быў пераведзены ў ПК №15.
Згодна з падлікамі мусіў выйсці на волю 21 траўня 2024.
Да 5,5 гадоў калоніі: пракуроры запрасілі тэрміны для пятай часткі абвінавачаных па справе аб "масавых беспарадках" у Брэсце
“Жыве Беларусь і будзе жыць вольнай”. У Брэсце вынеслі прысуды пятай частцы абвінавачаных у “масавых беспарадках”
