Віктар Алегавіч Катоўскі — бас-гітарыст гурта TerraKod, быў затрыманы ў Брэсце па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. 

Віктар праходзіць па крымінальнай справе паводле ч. 1 арт. 368 (Абраза прэзідэнта Рэспублікі Беларусь), арт. 369 (Абраза прадстаўніка ўлады) і ч. 1 арт. 130 (Распальванне сацыяльнай варожасці).

Пасля затрымання знаходзіўся ў ІЧУ на Акрэсціна, пасля быў пераведзены ў брэсцкі СІЗА-7.

У Брэсцкім абласным судзе 14 красавіка 2022 быў вынесены прысуд па крымінальнай справе Віктара Катоўскага. Па сукупнасці трох артыкулаў суддзя Мікалай Грыгаровіч пастанавіў пакараць музыку пазбаўленнем волі тэрмінам на тры гады ў калоніі агульнага рэжыму і штрафам у памеры 100 базавых велічынь (3 200 рублёў).

5 ліпеня 2022 г. КДБ унёс Віктара ў спіс "асоб, якія маюць дачыненне да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Адбываў пакаранне ў папраўчай калоніі № 2. 

Выйшаў на волю ў пачатку чэрвеня 2024 г. 

Тры гады калоніі і 100 базавых велічынь штрафу прысудзілі бас-гітарысту гурта TerraKod Віктару Катоўскаму

У справе фігуруюць наступныя эпізоды: паведамленне "Шкада амапаўца. Адным дзярмом на зямлі менш" у ноч з 28 на 29 верасня 2021 (абраза прадстаўніка ўлады); каментар "Хлопец — герой. Жыццё паклаў у барацьбе з гэтымі казламі нягледзячы на наяўнасць сям'і" ("распальванне сацыяльнай варожасці"); фраза "Шызоід вусаты" ў кастрычніку 2020 года ("абраза прэзідэнта РБ").