Вера Цвікевіч

Дата нараджэння: 4 красавіка 1992

Дата затрымання: 27 студзеня 2022

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 1 год

Від пакарання: пазбаўленне волі ў калоніі агульнага рэжыму

Суддзя: Малашэнка Вольга

Месца зняволення: СІЗА-1

Заява аб прызнанні палітзняволенай

Фота: Аляксандр Коц

Вера Валер'еўна Цвікевіч мае расійскае грамадзянства і была затрымана 27 студзеня 2022 года ў Мінску ў межах крымінальнай справы аб групавых дзеяннях, якія груба парушаюць грамадскі парадак (арт. 342 Крымінальнага кодэксу).

У жніўні 2020-га фотаздымак Веры быў на першай паласе беларускай «Камсамольскай праўды».

Пасля ўтрымання ў ІЧУ на Акрэсціна была пераведзеная ў СІЗА-1.

5 траўня 2022 года ў Маскоўскім судзе Мінска распачаўся разгляд справы. 6 траўня суддзя Вера Малашэнка вынесла прысуд: прызнаць Веру вінаватай і асудзіць да аднаго года пазбаўлення волі ў калоніі агульнага рэжыму.

У Мінску асудзілі адразу дзвюх палітзняволеных – дзяўчыну з вокладкі «Камсамолкі» і настаўніцу рускай мовы і літаратуры

5-6 траўня суд Маскоўскага раёна cталіцы разглядаў справу Веры Цвікевіч і Насты Кухаравай.

Блізкія пра палітзняволеную Веру Цвікевіч: «Яна дагэтуль не можа паверыць, што ўсё гэта рэальнасць»

Дзяўчыне 29 гадоў, яна грамадзянка Расіі з беларускім відам на жыхарства, і ўжо тры месяцы яна знаходзіцца за кратамі ў СІЗА-1 на Валадарскага. У жніўні 2020-га дзяўчына стала знакамітай: здымак, дзе яна падчас мірнага маршу ў прыгожай чырвонай сукенцы і з кветкамі ў руках сядзіць на металічнай агароджы ля стэлы «Мінск — горад-герой», якую ахоўваюць сілавікі ў касках, трапіў на вокладку беларускай «Камсамолкі».