Васіля Сяргеевіча Пільца з Гродна звінавацілі па частцы 1 артыкула 339 Крымінальнага кодэксу (хуліганства). Нібыта 14 снежня 2020 года Пілец штурхануў агрэсіўных прыхільнікаў Аляксандра Лукашэнкі і актывістаў руху "Антывандал" А. Галахава і Вольгу Бондараву, калі тыя зафарбоўвалі выяву бел-чырвона-белага сцяга. 

Судом Кастрычніцкага раёна Гродна 12 лютага 2021 года Васіль Пілец быў асуджаны да аднаго года абмежавання волі без накіравання ў выпраўленчую ўстанову адкрытага тыпу (ПУАТ).

Па пратэсту намесніка пракурора Д. Антонавіча калегія па крымінальных справах Гродзенскага абласнога суда змяніла пакаранне па прысудзе на 1 год абмежавання волі з накіраваннем у ПУАТ.

Прысуд уступіў у сілу, а сам Васіль Пілец накіраваны ў ПУАТ №29 у Ваўкавыску.

Васіль цалкам адбыў пакаранне і 11 студзеня 2022 выйшаў на волю.

Гарадзенскі абласны суд вынес Васілю Пільцу больш жорсткі прысуд

Гарадзенскі абласны суд 22 красавіка 2021 года разглядаў апеляцыйную скаргу засуджанага гарадзенца Васіля Пільца, а паралельна апеляцыйны пратэст пракуратуры на прысуд па крымінальнай справе. Пра гэта піша "Гарадзенская Вясна".